JOBA 42:10 - Khumi Common Language Bible

¹⁰ Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.

JOBA 42:10 ပူးပေါင်းရင်းမြစ်များ

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

2 NENG SATANG 25:9

Huna nai khala Amazia my amo teng y, “Huni khumichi teng y pei nai tangka ly jawm sum ai bo a?,” nanai deng. Amo my, “Areng my huni tangka tleaung y nawi nai ang pei ai mang!” napi.

JOBA 1:2

Ni ly chapo leaung saryhrei hawi chaniu leaung thomrei awm.

JOBA 1:3

Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

JOBA 42:9

Eliphe, Bilada hawi Zawpha nichi ly mychi ai Areng my leu pei nai kamta sa u nai deaungkho y, Areng ly Joba i chiu sa nai tangai pi nai ne.

SAM 126:1

Achi ai Jerusalem mary y ang pahawi ali teang nai ly amang kamta ne!

SAM 14:7

Israela chengchi ai atleu nai pahenra ly Zion mawi i dengdairei theu hai sy. Areng ly Israela chengchi ai amtheaung hai aliteang nai khala, nichi ly khri pa-rei amo theu u ai!

SAM 53:6

Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

HAKAI 2:8

Khaileaung pri y awm nai ngierei, muku tangkachi ly kai i ne.

Kati Nai 12:13

Naibaly Mosi ly Areng teng y, “Aw Tameuh, Miriam ai ly hawi so pi teang kyh ba!” nanai aeu naimy hnei takeng pi bo.

Kati Nai 12:2

Nini my, “Areng ly Mosi dengdairei leu pei pajau khyh nai sai a? kaini dengdairei py leu pei pajau y nai sai a?” nanai thui hawi bo. Huni leu ai Areng ly thai nai ne.

Kati Nai 14:10

Khumi mipuichi ly huni leu thai nai khala, nini ai lengseaung hawi aphi ka ai nai atho sa u bo. Na i py huna nai thym khala Areng i nang nai sangso kangvang ly Tabynako salo y angvang nai niu u nai ne.

LUKA 16:27

Naibaly ni my ly, ‘Tumbaly ngaai awi, ni ai ly ngaai i yhm y pato ai nai kang takeng he; kai hawi taku vanrei nai neampacho leaung pangrei awm.

AMTAW 7:50

Hini ati cheaungkhang ly kai i kiu y sa nai ny y a? napi,’ nanai ne.

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

Leu Thui Nai 9:20

Areng ly Aron ai padei vui ai nai pa-rei kado theu hai bo. Hunai deaungkho y kai ly Aron i vui py hnei takeng pi.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

1 SAMUELA 2:7

Mymy ly khumi phyreichi ai nang hai iy, phyreichi ai mawn hai; phyreichi ai panem iy, phyreichi ai ly pasang bo.

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.