JOBA 40:11 - Khumi Common Language Bible

¹¹ Nang ly amy i kado theu nai haiho patheu iy, paleung len amlyh naichi ai khen patyp iy, panem pawn ba.

JOBA 40:11 ပူးပေါင်းရင်းမြစ်များ

JOBA 20:23

Ni i cha ai ngai nai ngierei cho palai sy! Tameuh ly khri pa-rei kado theu nai y, ni ai kamngo vang pajeng ai.

JOBA 21:30

Tameuh my kado theu i kamngo pajeng nai kani y, khumi hawi y nai ly awmnem naira nga jojo nai ne.

JOBA 27:22

Nichi preang veng ai nai atho sa nai thym y huni ali ly nichi i tlang tleaung y pahyp y naimy aho ai.

JOBA 4:9

Tameuh ly kado theu nai deaungkho y, ali kamchai kamta nichi ai taphra pawn bo.

JOBA 9:5

Mymy ly mawichi ai vaimy asyh hai tamangtang bo. kado theu iy taphra pawn bo.

SAM 144:6

Amlosadi theu hai iy nang i paleung ka-echi ai, ahei hai phro kyh ba; nang i thailihochi hawi ko iy, nichi ai angpreng hai pawn ba.

SAM 94:2

Nang ly khumi bawibawichi ai tara chih nai keung ne; ang thau iy paleung len nai khumichi ai mychi hawi ataing nai kamngo pajeng pi ba!

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 22:19

Areng ly nang ai kalop patheu iy, kalop kalenra i nai pala vui ai,” nanai thui hai nai ne.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 25:11

Nichi ly tui jau nai kamta kiuchi hawi atho sa naimy kalai na teu i py, Tameuh ly nichi i paleung len nai panem vui nai deaungkho y, kiuchi jitang naimy awm hai ai.

ISAIA 26:5

Mymy ly paleung len amlyh nai khumichi ai tahm panem vui chum baly, nichi i awm nai khaw parai nai mary taphra vui iy, mary apaichi ai speungra y anawi hai ai.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

JEREMIA 48:29

Moba pri ly khri pa-rei amlyh am-e parai. Khumichi ly mana tanrei paleung len iy, khumi aniu y naimy amlyh am-e u nai py, mana tanrei amy i vui hau khyh na mo, nanai py kai pany nai ne.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

DANIELA 4:24

“Samrang awi, tahm asang parai nai Tameuh my, samrang nang ly ati mana lawm ai mo, nanai pany hai bo. Amang i awm nai sai ly hina nai ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.