JOBA 4:19 - Khumi Common Language Bible

¹⁹ Mymy ly khaileaung hawi sa nai, spryh hawi palum iy mipo ai kamta taphra pajau nai, heng nai amjy khumi ai ym ai, nanai nang ly athang khai a?

JOBA 4:19 ပူးပေါင်းရင်းမြစ်များ

ATITI AWM ANGCHEI NAI 18:27

Abraham my, “Areng, nang teng y vam parai naimy kang takeng veangveang nai ly kai ai pahen kyh. Kai ly khumi teu i, takeng ai nai py ataing y leang.

ATITI AWM ANGCHEI NAI 2:7

Naibaly Areng Tameuh ly khaileaung salo i khaileaung phyrei la iy khumi myn sa; notareang mang hengra kangho hm pi i, khumi ly heng amteaung bo.

ATITI AWM ANGCHEI NAI 3:19

Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.

JOBA 10:9

Nang ly kai ai khaileaung hawi sa palum pi, nanai pany jo ba. Kai ai taphra vui iy, spryh lawh hai teang ai a?

JOBA 13:12

Nangchi i leu kachengchi ly maidym kamta, ati sai py ny y. Nangchi i akhi nai leuchi ly aneaung kapan kamta khaw y.

JOBA 13:28

Hunai deaungkho y kai ly dengkeaung karaw kamta py, mipo my cha nai ateaung kamta py, deihpiu na bo.

JOBA 14:2

Nichi ly kaseaung kamta pau kasa iy, rawm u bo. Pa-pui kamta tama u reng nai ne.

JOBA 22:16

Huni khumichi ly dei kani tym y rai khala my, tui len naira y amjau u pawn ai.

JOBA 25:6

Hunai deaungkho y thaideaung hawi mipo kamta lawm nai khumi ly Tameuh i mo y ati thui bira awm rai mo?

JOBA 33:6

Nang hawi kai ly Tameuh i mo y takhra y leang; ani ai ly spryh hawi sa nai ne.

SAM 146:4

Nichi ly dei nai khala y khaileaung y vawi u ai i, huni kani y my nichi i katau ly tama nai ne.

SAM 39:11

Nang ly khumi ai mymy i kamngo molam y parip iy pajeng bo. Ni i ngaiphi nai saichi ai mipo kamta, nangmy taphra pi pawn veng bo. Meitang khyp, khumi ly taho kathiu, taho kalau nai ryrei khyh lawh ly!

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

II KORINTH 5:1

Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

I PETERA 1:24

“Khumi bawibawichi ly acha kangheng kamta ne, Huni i apu nai sai ly acha pau kamta ne. Acha kangheng ly jei iy, Pau ly tla reng,