JOBA 38:5 - Khumi Common Language Bible

⁵ Khaileaung kakau ai ami my sa mo? saju amto vui ai ami my ryh mo? Hini deng nai leuchi nang pathang pajau a?

JOBA 38:5 ပူးပေါင်းရင်းမြစ်များ

JOBA 11:9

Tameuh i nang parai nai sai ly khaileaung pri tleaung y kau i, suida pangli tleaung y py kau.

JOBA 28:25

Tameuh ly ali ai sa thai naira pei iy, pangli i kakau pajyh pi nai khala py,

JOBA 34:13

Tameuh ly mymy i sa thai naira ai, khumi leaung leaungrei teng i dengdairei nga nai sai a? Khumi leaung leaungrei my, mymy teng y khaileaung pri peang ai nai pei nai sai a?

SAM 19:4

kani hawi vum y theu nai katyn ly khaileaung pri verei y ahei i, hunichi my ahei nai leu ly khaileaung pri katem y khrairei tym bo. Tameuh ly kanito i vui y, kani khusangra y yhm harei sa nai ne.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

LEU KACHENG 8:27

mymy ly kani khusang ai palum nai neng, pangli y tako prei iy, khusang ai kadai nai neng khala kai awm nai ne.

LEU KACHENG 8:29

Mymy ly pangli tuichi py leu pei nai ryrei, tui tym khyh ai nai leu pei nai neng y kai ly hu y awm. Khaileaung i sangum langdeng panui nai neng khala py, kai ly awm yb nai ne.

ISAIA 34:11

Huni pri ly beaungkuchi hawi o-achi awm naira lawm ai. Khaileaung palum y rai nai khala i kamta, Areng ly huni pri ai khaileaung ka-keu pui lawm hai ai.

ISAIA 40:12

Suida pangli tui ai kiu padawi hawi neh nai khumi, ti y baly kani khusang ai kiu hawi kah iy pata pajau nai khumi awm a? Khaileaung kathau ngiereichi ai khaura y khai pajau nai khumi, ti y baly mawi katheang kalenchi ai, sie khyry hawi neh pajau nai khumi awm a?

ISAIA 40:22

khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

II KORINTH 10:16

nangchi i ym naira veang ryh veang ryh iy kaichi i ka-peang ryrei ly nangchi theung y kaichi ly khri pa-rei sa nai patlaw jo y naimy awm ai, nanai athang khai nai teu.

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.