JOBA 37:13 - Khumi Common Language Bible

¹³ Tameuh ly khaileaung salo y tui nga ai nai kani nai hai bo; mymy ly khumichi ai kamngo pajeng ai nai py ne sy, hawi hai ai nai py ne sy, kani nai hai nai ne.

JOBA 37:13 ပူးပေါင်းရင်းမြစ်များ

2 SAMUELA 21:10

Naibaly Ei-a i chaniu, Sawla i samrangnu ai kry nai Rizpah ly paisiu kanih hawi veuchi khai nai lengseaung salo y khiu iy, choh tyn amteaung khyp khala i dengdairei, nicho neng tym pa-rei veuchi ai kanithun y tavochi my, vum y daichi mawichi my cho y pa-rei typ nai ne.

2 SAMUELA 21:14

Naibaly nichi ly huni hiuchi ai Sawla hawi Jonathan nini i hiuchi hawi vanrei Benjamin khu, Zela mary y awm nai Sawla i ampo Kisa i tapreaung y heung u bo. Nichi ly samrang my leu pei nai kamta sa u. Naibaly Tameuh ly nichi i pri i vui y, nichi i hnei takeng nai pathang pi nai ne.

1 ARENG KEH 18:41

Naibaly Elija ly samrang Ahab teng y, “Vai ly nang chei iy teicha teinei cho ba; kani pajyh nai katyn thai bo,” napi.

1 ARENG KEH 18:45

Neng kra y nai sala y my kani khusang ly khupanym my khiu iy ali aho i, kani khri pa-rei taawi nai ne. Ahab ly keaungngo ka-ri tleang y atang i, Jezarela mary mang y theu jo bo.

EZARA 10:9

Juda hawi Benjamin khu ka-peang theung y awm nai neampacho bawibawichi ly kani thomrei sala y my, takawrei lo kani apomrei kani y Jerusalem mary Achura yhm ly-um y jeu u achu bo. Huna nai khala y khri pa-rei kani taawi. Khumichi ly kani hawi y nai hawi aly len nai meeting molam y py kaso theu u nai ne.

JOBA 36:31

Hina nai kamta mymy ly khumichi ai pacho. Nichi ai teicha teinei neangneang pei pi.

JOBA 37:14

Joba awi, tanareichy kaneu iy, tangai kyh rai ba; Tameuh i sa nai lyh ai hawi parai naichi adawn pasym ba.

JOBA 37:6

Mymy ly kadam amaichi khaileaung salo y tla hai ai nai leu pei. Kani py khri pa-rei taawi hai nai ne.

SAM 65:10

nang ly kani nai hai iy, thawn piu nai li khaileaungchi ai am-i hai; huni bo y kanitui hawi khaileaung kathau ai nau hai iy, amti amjang keung dichi prau hai nai ne.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.