JOBA 36:29 - Khumi Common Language Bible

²⁹ Mymy i awm nai kani mang y khupanymchi akheang nai hawi kani pajyh nai ly ami py pany pajau y; kani mang y awm nai Tameuh ly pany nai ne.

JOBA 36:29 ပူးပေါင်းရင်းမြစ်များ

2 SAMUELA 22:12

Mymy ly mymy ai kaveng hawimy khiu bo; mymy i sahawi y tui kamhui kawi meng nai khupanymchi awm.

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

JOBA 28:26

Kani nai ai nai meingtym hawi amlosadi khupanymchi am-eng ai nai sa pi nai khala py,

JOBA 36:28

Mymy ly khumichi chawn-pa ai nai khupanym mang my kani nai hai bo.

JOBA 36:30

Mymy ly kani mang y amlosadi theu hai; na i py pangli thiu parai nai meingtymchi ra y vengpam nai ne.

JOBA 37:11

Amlosadichi ly Tameuh i ngai nai kamta amki iy, khupanymchi theung i nai sadi nai ne.

JOBA 37:16

Tameuh i lyh ai hawi parai nai kupe lasa napi nai khupanymchi ly kani khusangra y ali hawi akheang naimy, awm nai sai nang pany a?

JOBA 38:37

Khupanymchi ai kati ai nai spryh ai khaileaung akawi lawm hai ai nai,

JOBA 38:9

Pangli ai khupanymchi hawi khiu iy, kaveng hawi bam nai keung ly kai ne.

SAM 104:3

kani khusangra i tui salo y nangmy i yhm sa. Nang ly tamaichi ai nangmy i ka-ri kamta, ali ai nangmy i pakhichi palawn iy atang bo.

SAM 104:7

Nangmy parip nai khala y tuichi ly angpreng pawn; tuichi ly nang i kani pajyh hai nai katyn thai nai khala, leaung kaliki na bo.

SAM 18:13

Areng ly kani mang dengdairei kani pajyh hai; salo kangteng keh nai keung i raawi theu bo.

ISAIA 40:22

khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.