JOBA 36:24 - Khumi Common Language Bible

²⁴ Tameuh i sa nai saichi molam y, mymy i tahm awm nai ai khumichi my avawrei palo u.

JOBA 36:24 ပူးပေါင်းရင်းမြစ်များ

1 NENG SATANG 16:9

Areng ai ly khulym thui iy palo u. Mymy i sa nai lyh ai nairachi amti pi u.

JOBA 36:25

Mymy i sa nai saichi ai khumi luteng my niu u; na i py achi ly kamlo mang my niu pajau nai ne.

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 107:15

Nichi ly Areng i khaw parai nai tamen nai saho py, mychi ai sa pi nai lyh ai awm nairachi saho py, kawn naimy palo ai.

SAM 107:8

Nichi ly Areng i tamen naira khaw parai nai molam y py, mychi ai sa pi nai lyh ai awm naichi molam y py, kawn nai leu thui naimy palo u ai.

SAM 111:8

Huni Reita leu pei naichi ly khaw jojo nai ne; hunichi ai ly leu meitang naira py, hawi naira py, sa pi yb nai bo.

SAM 138:5

Nichi ly nang i sa nai leaungsaichi ai py, nang i nang parai nai phum-angchi ai py, khulym hawi palo u ai.

SAM 28:5

Nichi ly Areng i sa nai leaungsaichi ai py, mymy i atiti sa nai saichi ai py, tahm khai u y. Hunai deaungkho y mymy ly nichi ai kamngo vang pajeng iy, deungtasarei tama hai ai.

SAM 34:3

Areng i nang parai nai ai, kai hawi vanrei aeu u; achi ly mymy i amyn vanrei palo u sina.

SAM 59:16

Na i py kai ly nang i sa thai naira satang khulym thui ai; nang i khaw parai nai tamen naira satang ai, khawn tleirei khulym thui ai. Nang ly kai i abyhra khengsi apai, patang naira avum nai khala y kai i abyhra ne.

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

THEU NAI 15:1

Naibaly Mosi hawi Israela chengchi ly Areng ai palo nai khulym thui u bo; “Kai ly Areng ai palo ai, ati mana nai mo na baly mymy ly nang parai nai hawimy eaung naira nga hai bo; mymy ly tavaimichi, keaungngo atang nai tavaimichi ai pangli tui y anum hai chauchau nai deaungkho y ne.

JEREMIA 10:12

Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

LUKA 1:46

Naibaly Mari my, Kai i hengra ly Areng ai ang palo mang:

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

TARA CHIH NAI KEUNGCHI 5:1

Huni kani y Deborah hawi Abinoam i chapo Barak ly hina nai khulym thui hawi nai ne.