JOBA 36:16 - Khumi Common Language Bible

¹⁶ Tameuh ly nang ai patangra i nai atleu iy, chymme naimy awm ai nai pei i, nang i sabawi salo y cha kahawi, nei kahawi neangneangchi ang khai pi chawp nai ne.

JOBA 36:16 ပူးပေါင်းရင်းမြစ်များ

JOBA 15:11

Nang i tlang tleaung y Tameuh my paleung ang pahawi nai ly ati mana nai y akhi vui lawh mo? Kaichi ly mymy i jeng y, nang ai leu kanemchi kang thui pi bo.

JOBA 19:8

Tameuh my lam paka khyp nai deaungkho y, kai tako prei ai nai ngo y. Mymy ly kai i lam veng hai cheng bo.

JOBA 5:17

Tameuh i thui parip naira avum nai khumi ly taham hawi! Nang i tlang tleaung y mymy i parip nai, tangai ai ngai y nai paleung awm moh.

SAM 118:5

Kai ly khri pa-rei patang naira avum nai deaungkho y, Areng teng y chiu kasa; mymy py pathang i, kai ai lawi naira nga hai bo.

SAM 18:19

Kai, ka-jeira avum nai khala y mymy ly kai ai sabawm. Kai ai khrei nai deaungkho y atleu nai ne.

SAM 18:20

Kai ly kateng sa nai molam y mymy ly kai ai hawi naira ang pei; kai ly kamngo by y nai y amtheaungra ang pei nai ne.

SAM 23:5

Nang ly kai i vui paleung ka-e bawibawichi i mo y sabawi sawn pi rym bo. Tahm awm nai angvyn kamta, kai ai asitui lei iy lamchung bo. Kai i khau py lem na pa-rei kawi hai bo.

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

SAM 63:6

Kai ly ira salo y aseaung nai thym y, nang ai pany jo ai; vumtorei nang i satang adawn pasym naimy kaawm bo.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.