JOBA 35:9 - Khumi Common Language Bible

⁹ Khumichi ly ana naira avum nai khala, vo tangam naimy, mychi ai sabawm ai nai khumi leaung leaungrei teng y kaau u nai ne.

JOBA 35:9 ပူးပေါင်းရင်းမြစ်များ

JOBA 12:19

Pathyp pi nai keungchi hawi sa thai naira haiho awm nai khumichi ai panem vui bo.

JOBA 20:19

Ni ly khumi kamawnchi ai ana iy tahm khai y naimy, ami i sa yb nai yhm hlauchi lawm vui nai deaungkho y, my i yhmtheaung katui amtym ai ny y.

JOBA 24:12

Marychira y tamokalem nga naichi hawi, dei enten nai khumichi aeu u bo; na i py Tameuh my nichi i chiusa nai dawn pi y.

JOBA 34:28

Huni khumichi i pahyp y naimy ana naira avum nai, khumi kamawnchi ly Tameuh teng i kasabawmra hnei ai nai aeu u nai khala, mymy ly nichi i aeu nai raawi thai.

JOBA 35:8

Nang i sa nai kamngochi ly nang kamta, khumichi ai patang naira tym hai pajau; nang i kahawi sa naichi py, khumichi ai hawi naira nga hai pajau nai ne.

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 10:15

Khumi aso y naichi hawi khumi hawi y naichi i sa thai naira ai khei pi pawn ba. Nichi ly hawi y nairachi so ali bi y pa-rei kamngo pajeng pi kyh ba.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 43:2

Nang ly kai ai ama hai iy kry nai keung ne; ati mana nai y kai ai khai su lawh mo? Kai ly ati mana nai y paleung ka-echi i pahyp y naimy ana nai avum veangveang lawh mo?

THEU NAI 2:23

Saneng kra parai nai bo y Aikupta samrang ly dei bo. Na i py Israela chengchi ly khri pa-rei patang parai naimy miseaung alaw u y jojo rai i, alawra nga ai nai vo tangam u. Nichi i vo nai raawi ly Tameuh teng y tym nai ne.

THEU NAI 22:23

Nangchi ly huni khumichi ai ana nai deaungkho y, nichimy kai teng y kasabawmra hnei lawh baly, Kai Areng my pathang pi ai.

THEU NAI 3:7

Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

THEU NAI 3:9

Israela chengchi i vo hang nai katyn kathai; nichi ai Aikupta chengchi my ana patheng nai py kaniu bo.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

Leu Thui Nai 24:15

“Kani tleirei kani dym y naimy, ni ai ka-tham vang pei pi ai nai tla; nichi ly kamawn nai deaungkho y ka-tham tangka ngai nai ne. Nang ly vang pei y baly ni my Areng teng y hnei ai i, nang ly kamngo sa nai lawm ai.