JOBA 34:27 - Khumi Common Language Bible

²⁷ leu pei naichi tahm khai u y nai deaungkho y, mymy ly nichi ai, khumi mipuichi i mo y pajeng nai ne.

JOBA 34:27 ပူးပေါင်းရင်းမြစ်များ

JOBA 21:14

Khumi hawi y naichi my Tameuh teng y, mychi my tlairei awm ai nai hnei u. Mychi ai mymy ly mana heng ai nai ngai hai mo, nanai pany ai nai ngai u y.

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

SAM 28:5

Nichi ly Areng i sa nai leaungsaichi ai py, mymy i atiti sa nai saichi ai py, tahm khai u y. Hunai deaungkho y mymy ly nichi ai kamngo vang pajeng iy, deungtasarei tama hai ai.

LEU KACHENG 15:10

Hawi y sa nai khumi ly khri pa-rei pajeng naira avum ai; thui parip nai tangai y nai khumi ly dei areu ai.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

ISAIA 1:3

Si hawi painochi ly yhmkeung ai pany; keaungngo kano kasauchi py yhmkeung i keaungngo hai, mychi i yhmkeung my teicha patlai nai meingtymchi pany. Na i py kai i khumi Israela chengchi ly huna tanrei pany u y. Nichi ly pany thai u y na ly” napi.

ISAIA 5:12

Nangchi i pawichi sa naira y tarochi, atymchi, byhlyhchi hawi kreip hangchi abawi reng nai ne. Na i py Areng ly ati mana sa mo, nanai nangchi pany y.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

AMTAW 15:38

na i py ni ly Pamphulia pri y myni ai ali pi veng iy, kalop sa naira y myni teng y chei teng y nai deaungkho y, Pawla my ly ni ai hawi ai nai avo tapi y leang.

II TIMOTHEI 4:10

Kriski ly Kalatia pri y chei i, Tita py Damlmatia pri y chei teang. Kai teng y Luka leaungrei chy awm khyh.

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,