JOBA 34:20 - Khumi Common Language Bible

²⁰ Khumi ly vum y vaimy dei leu reng; Tameuh my pajeng nai khala, khumichi ly dei u nai ne. Mymy ly atho len nai khumichi ai, rai y naimy tamyh pawn.

JOBA 34:20 ပူးပေါင်းရင်းမြစ်များ

JOBA 12:19

Pathyp pi nai keungchi hawi sa thai naira haiho awm nai khumichi ai panem vui bo.

JOBA 27:20

Khrikhri pa-rei patang naira ly vaimy len tamangtang nai tui kamta, nichi i tlang tleaung y tym ai. Nichi ly vum y aho nai ali y akheang pawn ai.

JOBA 34:25

Mymy ly nichi i sa nai saichi pany nai deaungkho y, nichi ai vumrei y my pala vui iy tamyh vui bo.

JOBA 36:20

Khumi cheng bawibawichi myh kang vui ai nai, vum aneng ai kadeaung moh.

SAM 73:19

Nichi ly vaimy myh kang u ryp bo; nichi i kangkhym kangtem avum nai sai ly jei ai nai hawi parai nai ne.

ISAIA 30:13

Nangchi ly kamngo pajeng ai ataing naichi ne. Nangchi ly akoprei nanai lengseaung apai ka-sang pui kamta, vaimy anawi u ai.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 37:38

Kanirei nai khala y ni ly my i tameuh Nisaroh i achura yhm y chiu sa; chiu nai thym khala, my i chapo Adrammele hawi Sareza nini ly samrang ai myni i haisau hawi tleh iy, Ararat pri mang y preang hawi veng bo. Takhra chapo leaungrei Esarahadon ly ampo i meingtym y atheng nai ne.

ISAIA 40:23

Mymy ly sa thai naira len nai samrangchi ai pala iy, huni khumichi ai ati sai py ny y naichi lawm hai bo.

DANIELA 2:34

Samrang nang ly huni khumi myn pui ai khen nai thym khala y, lengseaung pui harei ly mawi i dengdairei, alyly naimy amli kathiu iy tamo hawi laikan sa nai myn pui i kheu y amli hai i, tleu piupa hai bo.

DANIELA 5:30

Huni vum y my Babulon samrang Belshazar ai ly tleh vui bo.

DANIELA 8:25

Ati mana nai mo na baly ni ly tau awm nai khumi ne nai deaungkho y, li-tapawp naichira y eaung ai. Ni ly amlyh am-e iy khumi neangneangchi ai athang khai y naimy padei ai. Ni ly samrang leilachi i samrang ai malawn py tiu ai. Na i py ni ly khumi i kiu y ny y naimy, phra naira avum ai.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

MATTHAI 25:6

Naibaly aneng hyh khala y ly, ‘Khen cham, aju la nai keung ly tym bo! Mymy ai lamchung ai nai theu u jau! napi nai raawi thai bo.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.