JOBA 34:19 - Khumi Common Language Bible

¹⁹ Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

JOBA 34:19 ပူးပေါင်းရင်းမြစ်များ

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

JOBA 10:3

Nang i hina tanrei ana nai ly avo na a? Nangmy i sa nai sai ai paso y a? Khumi hawi y nai katauchi ai ly khen i, panuiyhm ai nai avo y a?

JOBA 12:19

Pathyp pi nai keungchi hawi sa thai naira haiho awm nai khumichi ai panem vui bo.

JOBA 12:21

Sa thai naira awm nai khumichi ai kangji pei iy, mangchochi i haiho jum hai bo.

JOBA 13:10

Nangchi ly nangmychi i milei nai sai ai tamym teu i py, Tameuh ly nangchi ai ang parip ai.

JOBA 13:8

Nangchi ly Tameuh mang y asa naichi ne u a? Mymy i sa nai sai molam y, tara jeung y seu u ai a?

JOBA 31:15

Kai ai sa nai Tameuh ly kai i miseaungchi ai py sa nai keung ne.

JOBA 32:21

Kai ly meimai akhen y naimy katheu ai. Ami ai py palo hawp nai leu katheu ai ny y.

JOBA 34:18

Samrangchi hawi bangtangchi, hawi y nai sa u nai khala, Tameuh ly nichi ai pajeng nai ne.

JOBA 36:19

Kasabawmra nga ai nai vo naimy hnei nai ly nang i vui kamran awm ai ny y; Nang chawn nai haiho ngierei ly nang ai vai, atleu pajau y leang.

THEU NAI 30:15

Areng teng y nangchi i khumi akeu pei nai khala, Khumi kanang py ne sy, khumi kamawn py ne sy, pei ai nai tla nai akeu tleaung y nawi py nawi y, di py di y, hujirei pei khyp ai nai tla.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 22:2

Khumi kanang hawi khumi kamawn nini teng y, atawm nai sai harei awm. Huni ly nini leaung nyhrei ai, Areng my sa nai ne.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

AMTAW 10:34

Naibaly Petera ly leu thui i, “Tameuh my ly khumi ai patle takhra y leang, nanai kai hawihai palai pany:

ROM AVANGCHI TENG Y PAWLA I CHA PA NAI 2:11

ati mana nai mo nabaly Tameuh ly khumi ai patle takhra nai by y leang.

I KORINTH 1:28

naibaly Tameuh my atiti awm naichi ai ly ati sai py ny y nai palawn thai ai nai, khaileaung pri i atiti kapheaungchi hawi atiti tahm anem naichi, atiti by y naichi hawi raurei ai vawi lawh veng:

KALATIA 2:6

Na i py khumi kalen y palawn naichi (mani mo khumi ka-tawn py ne sy, kai i vui y ati sai py ny y leang; Tameuh ly ami ai py patle takhra y), nichi khumi kalen kyh y palawn naichi teng i nai kai ati sai py panawi bi y leang, kang napi.

EPHESI 6:9

Naibaly nangchi yhmkeungchi awi, mymychi i hawi nangmychi i yhmkeung ly kani mang y awm, nanai hawi, mymy ly patle takhra nai by y nanai py pany u iy, ram y naimy nichi i tlang tleaung y so u teang.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

KOLOSA 3:25

Ati mana nai mo nabaly atiti teng y nai sa nai keung ly mymy i atiti teng y nai sa nai vang ly nga teang ai; khumi ai patle takhra naira ha py awm lawh y leang.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;