JOBA 34:10 - Khumi Common Language Bible

¹⁰ Aw tau cheng nai khumichi awi, kai i thui nai leu tangai u! Ati cheaungkhang sa thai nai Tameuh ly teng y nai so na a?

JOBA 34:10 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

2 SAMUELA 22:31

Hini Tameuh i sa nai kalopchi ly angym nai ne; mymy i leu py ym ai nai hawi parai na ly! Mymy ly mymy ai ym nai khumi bawibawichi i vui khupui kamta ne.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

JOBA 34:12

Ati cheaungkhang sa thai nai Tameuh ly hawi y nai so y leang. Mymy ly ami ai py teng y naimy tara chih y leang.

JOBA 34:34

Tau cheng naira awm nai khumi ngiereichi ly kai i leu tangai u ai. Kai i leu thai u nai khumi kachengchi my,

JOBA 36:23

Ami py Tameuh ai pacheang pajau y; mymy ly hawi y naira sa, nanai neng hai pajau y.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 8:3

Tameuh ly tara chih naira y mana khala py, jawi tamang hai vai y leang. Mymy ly mana khala py, hawi nairachi so y naimy awm vai y leang.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 92:15

Hini ly Areng ly lei meitang ne, nanai py, kai ai ama hai nai keung ly hawi angym, nanai py pany hai bo.

LEU KACHENG 15:32

Patiu pi nai ai tangai y nai khumi ly amy ai sum hai nai khumi ne. Thui parip nai ai tangai reng nai khumi ly cheng tleaung chengra ai.

LEU KACHENG 6:32

Na i py ami i aju chanau ai tamang nai khumi ly pany thai naira pipi by y nai khumi ne; ni ly amymy ai ataphra nai khumi ne ai.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

ROM AVANGCHI TENG Y PAWLA I CHA PA NAI 9:14

Hunaibaly achi ly mana thui ai mo? Tameuh ly hawi y naira awm a? Ny y leang.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

JAKOB 1:13

Ami py parawi naira avum khala y, “Kai ai Tameuh my parawi nai,” ti moh sy: ami py Tameuh ai ly kamngora y parawi pajau y: mymy py ami ai py parawi ai nai aveng.