JOBA 33:23 - Khumi Common Language Bible

²³ Na i py khumichi ai amy i sa ai nai kalopchi pany ai nai Tameuh my pato nai, kani pri amtaw thau nai sang neangneang awm; nichi theung y leaungrei ly ni ai sabawm ai nai amtengtan amteng pi lym ai.

JOBA 33:23 ပူးပေါင်းရင်းမြစ်များ

ATITI AWM ANGCHEI NAI 40:8

Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi. Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

JOBA 11:6

Mymy i cheng nai ly thiu parai nai sai, khumichi i cheng naira hawi pho pajau y na pa-rei, thiu parai naichi ly nang teng y ang thui pi ai mang. Tameuh ly nang i tlang tleaung y pajeng ai ataing nanai teu i py, nang ai kamngo pajeng nai ly di hai ai.

JOBA 34:10

Aw tau cheng nai khumichi awi, kai i thui nai leu tangai u! Ati cheaungkhang sa thai nai Tameuh ly teng y nai so na a?

JOBA 34:12

Ati cheaungkhang sa thai nai Tameuh ly hawi y nai so y leang. Mymy ly ami ai py teng y naimy tara chih y leang.

JOBA 34:32

Nang i tamang naichi pany hai ai nai, Tameuh teng y amti pi bo a? Nang ly sa tamang bi ai ny y leang bo, nanai thui pi chum bo a?

JOBA 35:14

Joba awi, nang ly Tameuh ai niu pajau y, nanai thui; kham naimy ajeng iy awm ba. Nang i sa nai ly mymy i mo y tym bo.

JOBA 36:3

Kai i cheng naira ly kau parai; kai ai sa nai keung Tameuh ly meitang ne, nanai kai i cheng naira teaung iy thui pi ai.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 9:3

Khumi ly ati mana nai y mymy hawi a-ei pajau ai mo? Khumi ly mymy i deng nai leusai sangrei theung y harei py pathang pajau y leang.

JOBA 9:33

Na i py achi sala y kun ai nai khumi, Tameuh hawi kai ai tara chih ai nai leaungrei py by y.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 94:12

Aw Areng, nangmy thui parip nai khumi, reita leu hawi kamlau, nangmy parip nai khumi ly taham hawi!

Parip nai leu 7:28

Neampacho leaung sangreichi theung y kaimy tahm khai pajau nai ly leaungrei ai naini kaniu khyh. Na i py neampachy leaung sangreichi theung y kaimy tahm khai pajau nai khumi leaungrei py kaniu y.

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

HAKAI 1:13

Naibaly Areng i leu pei nai thui pi nai keung Hakai ly “Areng my, kai ly nangchi hawi vanrei awm ai,” nanai leu pei nai ly khumichi teng y thui pi.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

AMTAW 8:30

Naibaly Philipa ly ni teng y angpreng iy amo Isaia i cha-iu phain nai thai i, “Nang i phain nai ly awm nai sai pany thai a?” napi.

ROM AVANGCHI TENG Y PAWLA I CHA PA NAI 11:13

Hunaibaly nangchi Cheng Takhrachi teng y kang thui pi nai ne. Kai ly Cheng Takhrachi i amtaw thau nai ne nai deaungkho y,

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

TARA CHIH NAI KEUNGCHI 2:1

Areng i kani pri amtaw thau nai ly Kilakala mary dengdairei, Bokhim mary mang y chei iy Israela chengchi teng y, “Kai ly nangchi ai Aikupta pri dengdairei pahawi iy, nangchi i amsi pajochi teng y kaimy adeu nai pri mang y kangtha pi bo. Kai ly nangchi hawi asa nai Leu Maikawm ai mana khala py, kataphra ai ny y.