JOBA 32:8 - Khumi Common Language Bible

⁸ Na i py khumichi ai cheng naira pei nai keung ly ati cheaungkhang sa thai nai Tameuh i phailo ne.

JOBA 32:8 ပူးပေါင်းရင်းမြစ်များ

ATITI AWM ANGCHEI NAI 41:38

Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi.

ATITI AWM ANGCHEI NAI 41:39

Samrang my Josepha teng y, “Tameuh my nang teng y hini atitichi ang patei pi nai ne, nang kamta niu thai nai, dawn thai nai, cheng nai khumi ami py by y leang.

1 ARENG KEH 3:12

nang i hnei nai kamta kang sa pi ai. Nang ny y rai khala i ami py ngo vai y nai, nang i bo y py nga ai ny y nai cheng naira hawi pany thai naira ly nang ai kaimy kang pei ai.

1 ARENG KEH 3:28

Solomon i tara chih nai sai ai Israela pri khumi mipuichi my thai nai khala, ni ai khri pa-rei tahm khai u bo. Ati mana nai mo nabaly leu meitang ka-dyh ka-dawi tara chih kawp ai nai, Tameuh my samrang ai pei pi bo, nanai nichi pany u nai deaungkho y ne.

1 ARENG KEH 4:29

Tameuh ly Solomon teng y lyh ai hawi nai cheng naira hawi lulip pany nai cheng naira py, dawn pajau y na pa-rei pany thai naira py pei pi nai ne.

1 ARENG KEH 5:9

Kai i khumichi ly dengkeaung jeungchi ai Lebanon mawi i dengdairei pangli peang y tym pa-rei palai iy, dengkeaung panchi sa hai ai i, nang i ngai nai tuivum y khrairei ahui kathiu pi ai. Nichi ly huni tuivum y dengkeaung panchi taphra iy, dengkeaung jeungchi ly nang i khumichi teng y au pi ai. Nang ly kai i khumichi i vui teicha teineichi sabawm pi ba,” nanai leu atli hai bo.

JOBA 12:16

Tameuh ly sa thai naira haiho len parai nai deaungkho y, eaung naira nga hai jojo. Tapawp nai khumi hawi, katapawpra avum nai nini leaung nyhrei malawn py, mymy i kiu tleaung y awm.

JOBA 27:3

Na i py kai ai Tameuh my, taho ai pei nai ryrei ly

JOBA 33:16

Mymy ly my i leu pei naichi ai thai hai pi bo; nichi ly mymy i pany hai nai leu thai i, jei hyn u bo.

JOBA 33:4

Tameuh i phailo ly achi ai sa iy, hengra py pei nai ne.

JOBA 35:11

Nichi ly achi ai tawnbawichi hawi tavochi tleaung y cheng naira awm hai nai Tameuh teng y ly ahihawi u y.

JOBA 38:36

Naing tavo tui leaung ai nai neng ly tuisakreu tavoai ami my thui pi mo? Kani nai ai nai neng ly a-talui teng y ami my thui pi mo?

LEU KACHENG 2:6

Cheng naira pei nai keung ly Areng ne. Cheng naira hawi pany thai naira ly mymy teng i dengdairei ang tym nai ne.

LEU KACHENG 20:27

Areng ly achi ai paleung hawi, jei hyn nai paleung pei nai deaungkho y, achi ly amychi i tlang, aheu vui thai y leang.

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

ISAIA 28:26

Tameuh ly ni teng y cheng naira pei pi nai deaungkho y, ni ly amy i sa ai nai pany.

DANIELA 1:17

Tameuh ly huni thawndeang kacheng leaung palyhreichi ai, cha hawi cheng naira cheaungkhangchi kawp ai nai pei bo. Huni bo y Daniela teng y paleung mei y niu nai satang hawi amangchi thui pachai kawp nai, sa thai naira py pei pi nai ne.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

I KORINTH 12:8

Khumi leaungrei teng y ly Phailo i saho y cheng naira leu pei nai ne; khumi takhra teng y ly huni Phailo i saho y teang pany ai naira leu pei nai ne;

II TIMOTHEI 3:16

Tameuh i cha-iu leu bawibawi ly Tameuh i taho hai nai kamhui ne, naibaly Tameuh ai dawn nai khumi ly atiti kahawi cheaungkhang sa ai nai angym pa-rei my amthyp angym thai ai nai,

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.