JOBA 32:6 - Khumi Common Language Bible

⁶ leu katheu amteaung nai ne. Kai ly saneng theang, nangchi ly saneng len; hunai deaungkho y kai i ka-dawn, nangchi teng y kang thui pi vam y.

JOBA 32:6 ပူးပေါင်းရင်းမြစ်များ

JOBA 12:12

Miteaung acheang naichi ly tau cheng naira angym; na i py Tameuh ly tau cheng naira hawi, sa thai naira angym nai ne. Tameuh ly pany thai praw nai cheng naira hawi sa thai naira haiho angym nai ne.

JOBA 15:10

Kaimychi i tau cheng nai ly nang i ampo tleaung y saneng len nai khumi, sam pau nai khumichi teng i amtiu nai ne.

JOBA 15:7

Nang ly tapen manme nai khumi a? Mawichi ai Tameuh my sa nai thym khala, nang ly awm a?

JOBA 32:2

Joba ly mymy ai khumi kahawi nanai thui iy, Tameuh ai hawi y pei nai deaungkho y, nichi sahawi y angdo nai Eliho ly my i kado theu nai am-yh pajau y bo. (Eliho ly Buza kangpreang, Ramah nupai, Barakela i chapo ne.)

JOBA 32:5

Joba ai nichi leaung thomrei my leu ei vui pajau y, nanai pany nai khala Eliho ly kado theu iy,

JOBA 34:1

Tau cheng nai hawi lulip pany thai nai keungchi awi, vai, kai i thui nai leu tangai u.

JOBA 35:1

Joba awi, nang ly “Tameuh i mei keung y kai ly kamngo by y nai khumi ne.

JOBA 36:1

Tameuh i jeng y kai i thui nai leu ai kham tanga naimy maidenreichy tangai pi bi rai.

Levi 19:32

“Miteaungchi ai tahm khai ai nai tla; kai ai jei kaji iy kai i leu tangai ai nai tla; Kai ly Areng ne.

ROM AVANGCHI TENG Y PAWLA I CHA PA NAI 13:7

Khumi bawibawi teng y pei ai nai avo nai ngierei ly pei u; kahm pei ai nai avo naira y ly kahm pei u ly; akeu pei ai nai avo naira y ly akeu pei u ly: tahm khai ai nai avo naira y ly tahm khai u; palo ai nai avo naira y ly palo u.

I TIMOTHEI 5:1

Miteaung keh nai ai ly preng moh ly, ampo kamta parawi;

TITA 2:6

Hunai kamta khyp naimy, thawndeaungchi ai py paleung kateng awm ai nai pachei.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.