16 Kai ly nichi leu katheu y nai thym khala, ajeng veangveang ai nai tla ai a? Nichi ly katheu bi ai nai leu by y bo i, huni meingtym y angdo naimy awm u bo.
Awm u pypy; huna khala naini nangchi ai khumi kachengchi ne, nanai khumichi my pany u ai.
Joba awi, nichi ly katheu ai nai leu by y leang bo; nichi ly nang teng y pathang ai nai leu by y leang bo.
Kai ly ajeng pajau y leang bo; kaimy i thui ai ngai nai leuchi vai, kang thui pi ai. Kaimy i thui ai awm nai ly, nang teng y kang thui pi ai.
Labeaung amkyn iy awm pypy reng nai khumi ka-khum ai malawn py, tau awm nai khumi hawi cheng nai khumi, nanai athang khai pajau nai ne.
Hina tanrei hawi y nai deung y, khumi kahawi i leu amkyn vui nai ly lyh ai nai by y.
Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;