JOBA 31:8 - Khumi Common Language Bible

⁸ kai i amti amjangchi ly phra pawn sy. Kai i li ra i theu nai ly khumi takhrachi i vui teicha teinei lawm sy.

JOBA 31:8 ပူးပေါင်းရင်းမြစ်များ

JOBA 15:30

Ni ly kaveng theung i nai tleaung ai ny y. Changpichi ai mai my kang iy, pauchi ali theung y akheang pawn nai dengkeaung keung hawi atawm ai.

JOBA 18:19

Ni teng y amjo amnau kypkyp by y leang bo.

JOBA 20:18

Ni ly my i lop-pan iy, nga nai vawnsai ngiereichi ai khai su ai nai tla ai.

JOBA 24:6

Nichi ly ami i li hlauchira i choh tyn u. Khumi hawi y naichi i kreip akho theung i, kreip athaichi jaw u nai ne.

JOBA 31:12

Kai i kanang kachawn ngierei ai, kang hai ai nai mai hawi atawm.

SAM 109:13

Ni i kangpreang ly myh bebe sy; ni i amyn ly mo mang kangpreangchi teng y malawn py tamo veng sy.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

MIKHA 6:15

Nangchi ly amti amjang pati u i py, pateung achu ai nai ngo y ai. Nangchi ly olive asitui nip i py, cha ai nai ngo y ai. Kreip athai ati i py, kreip hang nei ai nai nga ai ny y.

JOHAN 4:37

‘Leaungrei ly hei, khumi takhra my tyn,’ nanai leu ly hunira y ly teng parai.

Leu Thui Nai 28:38

“Nangchi ly amti amjang ti neangneang hei i py maidenreichy naini pakym u ai, ati mana nai mo na baly amti amjangchi ai akhutamachi my cha vui nai deaungkho y ne.

Leu Thui Nai 28:51

Nichi ly nangmychi i tawnbawichi hawi amti amjangchi ang cha pi pawn nai deaungkho y, nangchi ly kajeu kanglam y dei u ai. Nangchi i choh, kreip hang, olive asitui hawi si, beramchi ai cha pi pawn nai deaungkho y nangchi ly dei u ai.

JOSUA 22:22

“Sa thai naira len parai nai keung ly Tameuh ne! Mymy ly Areng ne. Sa thai naira len nai keung ly Tameuh ne! Mymy ly Areng ne. Achi i maicham ai ati mana nai y sa ai nai tla mo, nanai mymy ly pany. Nangchi ai py pany hai ai nai ngai. Kaichi ly Areng ai tiu iy, ka-ym by y baly tlang heng ai nai pei moh!