JOBA 31:23 - Khumi Common Language Bible

²³ Kai ly Tameuh my kamngo pajeng ai, nanai jei nai deaungkho y, hini leaungsaichi mana khala py kaso vam y.

JOBA 31:23 ပူးပေါင်းရင်းမြစ်များ

ATITI AWM ANGCHEI NAI 39:9

Yhmkeung my mymy i awm nai yhmtheaung katui ngiereichi kai teng y ang au nai ne. Mymy ly nang leaungrei ai ny y baly, kai teng y au y nai ati sai py by y; huna nai y Tameuh ngai y nai kamngo ly kai mana kasa lawh ai mo?” napi.

NEHEMIA 5:15

Kai ny y rai khala i peang nai samrang i bangtang kalenchi ly mipuichi ai myn ji hai bo. Nichi teng i cha nei vawn hawi kreip hang i vui kanirei y tangka chang vui palyhrei hnei nai ne. Huni samrang i bangtang kalenchi i miseaungchi malawn py, mipuichi ai pahyp y naimy ana u bo. Na i py kai ly Tameuh ai jei kaji naimy tahm khai nai deaungkho y, huna nai kamta kaso y.

JOBA 13:11

Mymy i sa thai naira ly nangchi athengra iy, kaso theu hai ai.

JOBA 20:23

Ni i cha ai ngai nai ngierei cho palai sy! Tameuh ly khri pa-rei kado theu nai y, ni ai kamngo vang pajeng ai.

JOBA 21:20

Kamngo sa nai khumichi ly ataing khyp nai kamngo pajengra avum u na sy. Ati cheaungkhang sa thai nai Tameuh i, kado katheu pajeng nai avum u ai.

JOBA 30:15

Kai ly khrikhri pa-rei jei nai ne. Kai i tahm awm nai sai ly ali kamta aho veng bo. Kai i yhmtheaung katuichi ly tamai kamta tama vui veng bo.

JOBA 31:3

Mymy ly hawi y sa nai khumichi ai patang naira hawi myh kang naira tym hai bo.

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

SAM 88:15

Kai ly deaungdichy khala patang naira avum i, deivi deivi nanai ne; nang i pajeng naira nawi parai nai deaungkho y, kai ly atho bai na bo.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.