JOBA 31:21 - Khumi Common Language Bible

²¹ Kai ly tara jeng y eaung ai, nanai pany iy, nurocho leaungrei ai li-tapawp lawh teu baly,

JOBA 31:21 ပူးပေါင်းရင်းမြစ်များ

JOBA 22:9

Nang ly lumai cheaungtichi ai sabawm ai nai akhi nai khyh chang y i, nuro nukai chochi ai py tiu, lawm iy, pahyp y naimy ana bo.

JOBA 24:9

Khumi hawi y naichi ly nuro nukai chochi ai, miseaung palawn u bo. Kalai pe pajau y nai khumi kamawnchi i, cho chanauchi la pi pawn.

JOBA 29:12

Khumi kamawnchi, jeaungmang nai nuro nukai chochi vo hang nai khala, kai ly kasabawm nai ne.

JOBA 29:7

Mary i miteaung kehchi leu ka-rumra y kai chei nai tleirei,

JOBA 31:17

Kai ly nuro nukaichochi ai kapacho kapanei y naimy, kaimy tlairei kacho vai y.

JOBA 31:20

kai ly kaimy i beram kanghura i nga nai beram miu hawi aneang nai ateaungchi, ni ai pei pi nai ne.

JOBA 6:27

Nangchi ly nuro nukai chochi ai malawn py, miseaung palawn u ai nai tambe va iy, la ai nai khumichi ne. Amychi nang chawn ai nai molam y ahawi kamrawichi ai malawn py, ka-jo ka-van sa ai nai khumi ne u lawh ly!

SAM 82:3

Khumi kamawnchi hawi nurochochi i nga ai avo nai mang y ama hai ai nai tla; kamawn katichi hawi jeaungmang nai khumichi i vui leu meitang tara chih pi ai nai tla.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.