JOBA 31:15 - Khumi Common Language Bible

¹⁵ Kai ai sa nai Tameuh ly kai i miseaungchi ai py sa nai keung ne.

JOBA 31:15 ပူးပေါင်းရင်းမြစ်များ

NEHEMIA 5:5

Kaichi ly Juda chengchi ny y a? Kaichi i cho chanauchi py nichi i cho chanauchi tleaung y tahm theang y leang. Na i py kaichi ly kaimychi i cho chanauchi ai miseaung lawm hai bo. Chaniu phyreichi ai py miseaung y jo vui bo. Kaichi ly ati sai py so thai y. Kaichi i li hawi kreip akhochi py ami i kiu theung y tym be veng bo ly!” napi u.

JOBA 10:3

Nang i hina tanrei ana nai ly avo na a? Nangmy i sa nai sai ai paso y a? Khumi hawi y nai katauchi ai ly khen i, panuiyhm ai nai avo y a?

JOBA 31:14

Kai ly hunai kamta so pi y naimy awm lawh teu baly, Tameuh hawi mana avum vam ai mo? Kai ai Tameuh my tara chih ai nai ang jeu nai neng khala, kai ly mana nai hnei takeng bi thai ai mo?

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

JOBA 4:17

Huni katyn my, “Khumi ly Tameuh i mo y, khumi kahawi lawm pajau na a? Mani khumi ly amy ai sa nai keung i mo y, kamngo by y naimy awm pajau na a?

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 22:2

Khumi kanang hawi khumi kamawn nini teng y, atawm nai sai harei awm. Huni ly nini leaung nyhrei ai, Areng my sa nai ne.

ISAIA 58:7

kajeu alam naichi ai pacho panei nai, yhm hlau by y nai khumi kamawnchi ai awm naira pei pi nai, ateaung alang by y naichi ai pei pi iy nangchi i chengchi ai sabawm nai, huna naichi ai akhi y nai ne.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?