JOBA 30:26 - Khumi Common Language Bible

²⁶ Kai ly amo theu ai nai kadeaung nai khala, patang naira py, kangvang kadeaung nai khala, kaveng py avum nai ne.

JOBA 30:26 ပူးပေါင်းရင်းမြစ်များ

JOBA 18:18

Ni ly khaileaung pri i dengdairei, patheu vui nai avum ai. Kangvang i nai kaveng mang y patheu vui nai avum ai.

JOBA 18:6

Ni i kanih yhm theung i maisi yhm ly dei vui ai.

JOBA 19:8

Tameuh my lam paka khyp nai deaungkho y, kai tako prei ai nai ngo y. Mymy ly kai i lam veng hai cheng bo.

JOBA 29:18

Kai ly heng sau naimy awm ai nanai py, amy i yhm y paleung savairu naimy dei ai nanai py, athang khai jojo nai ne.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 59:9

Khumichi my, “Tameuh ly achi ai ana nai khumichi kiu i nai, ati mana nai y atleu y lawh mo, nanai vai, achi pany bo. Achi ly amychi tako ai nai lam i vui y, kangvang ai kadeaung teu i py, kaveng naini avum u ra khyh.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 8:15

Achi ly tlamsa ai nai athang khai u teu i py, atyhtyh teu bo; noso aho ai nai athang khai u teu i py, ka-jeira naini nga u lawh nai ne.

TANGAM NAI LEU 3:2

Mymy ly kai ai veng tleaung vengra nai, kaveng theung y ang tym hai iy,

MIKHA 1:12

Maroth mary i khumichi ly ajijaw naimy patangra avum u bo. Areng ly Jerusalem mary ai patangra tym hai ai bo i, kaichi mary i khumichi ly paleung ahyn thlyhthlyh naimy kasabawmra ajeng u nai ne.