JOBA 30:1 - Khumi Common Language Bible

¹ Vai i neng khala ly kai tleaung y saneng nau nai khumichi my, kai ai panui hai u lawh ly! Nichi i ampochi ly ati sai py ny y nai deaungkho y, kaimy i beram typ nai uichi ai sabawm ai nai malawn py teaung vai y.

JOBA 30:1 ပူးပေါင်းရင်းမြစ်များ

2 ARENG KEH 2:23

Elisa ly Jeriko mary i dengdairei Bethela mary mang y chei. Lam y mary harei i deaungdi phyreichi ly theu u i, ni ai panui hai u bo. Nichi my, “Lu kamngai, lu kangbiuliu awi, hi i nai theu vui!” nanai aeu u.

JOBA 12:4

Vai ly kai i ahawi ka-dawichi my malawn py, kai ai ang panui hai bo. Kai ly hawi nai ne iy, kamngo by y nai khumi lawm i py, kai ai nichi my panui hai. Na i py vaichi khala, Tameuh ly kai i chiu sa hnei takeng nai ang tangai pi reng nai ne.

JOBA 30:2

Nichi ly atho di nai khumichi ne nai deaungkho y, kai i vui ati kahawi so pi thai y.

SAM 119:51

Paleung len amlyh nai khumichi ly kai ai avawrei panui hai teu i py, kai ly nang i reita lam i nai hi vui y leang.

SAM 69:12

Nichi ly lam y kai i satang thui u nai ne; mhm-rah nei ala nai khumichi ly kai i satang khulym mang y thui u bo.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

MARKA 14:65

Naibaly phyreichi my ly mymy ai pachi pathawi amteaung iy, meimai y mym i tapheu iy mymy teng y, “Thuipi!” napi. Naibaly miseaungchi ly mymy ai patawn iy tabeang ryry.

LUKA 23:14

“Khumichi ai taphra piupa nanai, hini khumi ai ly kai teng y nangchi my tha nai he, naibaly khen cham, nangchi i mo y kaimy ni ai chih i, nangchi i seu naira y ly hini khumi i tlang tleaung y ati sai py tamang naira kaniu y leang.

LUKA 23:18

Na i py tlenrei khyh my vanrei aeu i, “Hini khumi ai lo la, Barabba ai phai patheu pi,” napi.

LUKA 23:35

Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.

LUKA 23:39

Naibaly khumi kamngo tahen nai leaungrei my ly, “Nang ly Krista ny y a? Apalawi ly, kaini ai py palawi bei,” nanai ni ai panui hai.

AMTAW 17:5

Na i py Judachi my paleung no i, seng meingtym y khumi kamngo atho kasi amichi ai mo mymychi teng y pahawi iy, khumi mipuichi ai palau achu i avang bawibawichi ai ly khrukhra hai; naibaly Jason i yhm y amiu iy nichi ai khumi mipuichi teng y pahawi ai nai tau.

TITA 1:12

Nichi theung i nai leaungrei, mymychi i amo kypkyp ly, “Krik tlawn khumichi ly ka-chawi thui naichi, mawi kasichi, biu ha nai deaungkho y atho kasichi ne,” nanai thui khyp bo.