JOBA 3:24 - Khumi Common Language Bible

²⁴ Kai ly teicha teinei cha ai nai tleaung y ly kavo kahang nai ne. Katangam nai ly mana khala py, anawn pajau ai ny y leang.

JOBA 3:24 ပူးပေါင်းရင်းမြစ်များ

JOBA 30:16

Vai, kai ly deivi na bo. Kai i avum nai no patangra ly hawi kyh naira by y.

JOBA 33:20

Noso nai khumi ly labeaung phra i, cha amlyn parai nai, cha kahawi nei kahawichi ai malawn py, paleung myn nai ne.

JOBA 6:7

Kai ly hina nai teicha teinei cha ai nai paleung ano y. Kai i cha nai teicha teineichi ly kai ai amleu ano hai bo.

JOBA 7:19

Kai pachi pajawm nai thym y nang ly takhra mang y hi pi vui ai nai ngo y a?

SAM 102:9

Nang i kado theu nai sai len parai nai molam y, kai ly maidym ai teicha teinei palawn iy, cha ai nai tla bo; kreip hang ai py kaimy i meikatui hawi katlen iy, nei ai nai tla bo. Nang ly kai ai tahm pasang chum baly aphi su nai ne.

SAM 32:3

Kai ly kaimy i kamngochi ai apany hai y, ahui y naimy awm nai khala y, kani khengrei kavo nai deaungkho y, atho khei bo.

SAM 38:8

Kai ly paleung ka-dawn akawm i, atho bai nai khikhe na bo. Kai ly paleung akawm naimy no patang nai y, tangam nai ne,

SAM 80:5

Nang ly kaichi ai paleung si naira napi nai teicha teinei pacho iy, meikatui napi nai tui ly khau kalen pui hawi panei bo.

ISAIA 59:11

Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

TANGAM NAI LEU 3:8

Kai ly sabawm naira nga ai nai tao pajeng parai naimy aeu teu i py, Tameuh ly tangai pi y nai ne.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)