JOBA 29:3 - Khumi Common Language Bible

³ Huni neng khala Tameuh ly kai hawi vanrei awm nai ne. Kaveng theung y tako nai thym khala py, kai ai kangvang ang pei.

JOBA 29:3 ပူးပေါင်းရင်းမြစ်များ

JOBA 11:17

Nang i heng nai ly kanithun teng nai kani tleaung y malawn py, angvang keh ai. Veng nai neng py khutawi mo kamta, angvang phang ai.

JOBA 18:6

Ni i kanih yhm theung i maisi yhm ly dei vui ai.

JOBA 21:17

Khumi hawi y naichi i maisi yhm, mai dei sai a? Nichi ly mana khala patang naira avum vai mo? Tameuh ly kado theu iy, khumi hawi y naichi ai pajeng nai ne.

JOBA 22:28

Nang ly dawn tau nai kamta eaung ai. Nang i heng nai deung ly kangvang angvang phang na ai.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 18:29

Paleung ka-echi ai tiu ai nai atho py, nichi i tavaimichi ai tiu pajau ai nai sa thai naira py, kai ai ang pei nai ne.

SAM 23:4

Aw Areng, kai ly khri pa-rei veng nai leaunghawira y tako prei lawh teu i py, jei y ai; ati mana nai mo nabaly nang ly kai hawi vanrei awm nai deaungkho y ne. Nang i thengbeang hawi cheaungvawi ly kai ai awm hai nem ai.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 4:6

“Aw Areng, amtheaung naira pei panawi bi kyh ba. Kaichi i tlang tleaung y pahen nai paleung hawi khen ba,” nanai khumi neangneangchi my chiu sa u bo.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 13:9

Leu meitang teaung nai khumichi ly angvang teaung nanai kangvang hawi atawm; khumi hawi y naichi ly jumryh jumryh reng nai maisi yhm hawi atawm.

LEU KACHENG 20:20

Amhm ampo ai pasawi nai khumi ly kaveng theung y jum nai maisi yhm kamta khumi i tlang tama ai.

LEU KACHENG 24:20

Khumi hawi y nai teng i nai ly hawi naira ati sai py, athang khai ai naira by y leang.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo: