JOBA 27:22 - Khumi Common Language Bible

²² Nichi preang veng ai nai atho sa nai thym y huni ali ly nichi i tlang tleaung y pahyp y naimy aho ai.

JOBA 27:22 ပူးပေါင်းရင်းမြစ်များ

JOBA 10:7

Kai teng y kamngo by y nai hawi, kai ai nangmy kiu i nai amimi py, atleu pajau y, nanai nang ly pany nai ne.

JOBA 11:20

Na i py khumi hawi y naichi ly paleung phra athosi nimy, lawi tleaungra lam hau i py, niu u ai ny y. Nichi i athang khai naira harei ly dei naira ne.

JOBA 20:24

Ni ly tamo haisau bo i nai tleaung ai nai angpreng nai khala, kheupaja thailiho hawi ko nai, prileu nai avum ai.

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

THEU NAI 9:14

Khaileaung pri verei y kai ny y baly kai ka-tawm ami py by y, nanai nang pany ai nai nang hawi nang i bangtangchi, nang i khumichi teng y pajeng naira kaimy tym hai ai.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

JEREMIA 13:14

Naibaly kai ly chy-ychi tengtawi adeng hai iy kawi nai kamta, nichi ai katheang kalen takhawi y naimy kataphra ai. Mani pahen naira, tamen naira hawi neaung hawi naira my ly nichi ai padei ai nai molam y kai ai paka pajau ai ny y,” napi.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 5:11

Areng my leu pei nai ly “Nangchi ly amso ngai nai cheaungkhangchi sa u iy, Achura yhm ai py chai hai y nai deaungkho y, kai ly Tameuh kangheng ne nai y, nangchi ai pahen y naimy kang tamyh pawn ai.

AMOS 2:14

Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.

JONA 1:10

Hunaibaly Jona my, mymy ly Areng teng i dengdairei preang vui nai khumi ne, nanai py huni khumichi teng y thui pi. Sampho i khumichi ly jei hyn naimy ni teng y, “Nang i sa nai kalop ly ka-jei hawi parai na ly!” napi u.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

Leu Thui Nai 29:20

Areng ly huna nai sa nai khumi ai kamngo pahen ai ny y. Areng ly huni khumi ai khri pa-rei kado theu hai nai deaungkho y, ni ly hini cha-iu theung y tajiu nai ka-jeira bawibawi avum hai iy phra hai ai.

Leu Thui Nai 32:23

“Kai ly nichi ai pajeng nairachi avum hai aninau ai. Kai i thailiho chynchi khei be na pa-rei nichi ai kako ai.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

1 SAMUELA 25:29

Khumi leaung leaungrei ly nang ai tiu iy padei ai nai atho sa lawh teu baly, khumi ly vang kateng vawnsai ai kryme reng nai kamta, Areng ly nang ai chymme naimy ang kry ai. Nang i paleung ka-echi ai ly khumi my lengseaung akawi ai lijai hawi ko nai kamta, palo parai naira mang y nangmy aphi vui ai.