JOBA 27:13 - Khumi Common Language Bible

¹³ Khumi hawi y naichi ai ati cheaungkhang sa thai nai Tameuh i pajeng nai ly hina nai ne.

JOBA 27:13 ပူးပေါင်းရင်းမြစ်များ

JOBA 27:12

Na i py nangmychi kypkyp my, hini leaungsaichi niu u chum nai ne; Hunai deaungkho y nangchi ly ati mana nai y, ati py ny y nai leuchi katheu u lawh mo?

JOBA 31:2

Ati cheaungkhang sa thai nai Tameuh ly achi i vui ati sa pi mo? Khumichi i atiti sa nai molam y, ati kamranra pei pi mo?

JOBA 31:3

Mymy ly hawi y sa nai khumichi ai patang naira hawi myh kang naira tym hai bo.

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

Parip nai leu 8:13

na i py khumi hawi y nai i vui ly huna nai kamta hawi ai ny y. Nichi ly Tameuh i leu tangai y nai deaungkho y nichi i heng nai ly pa-pui kamta ne i, nichi ly hawi thym naimy dei u ai,” nanai thui u nai kai pany khyp bo.

ISAIA 3:11

Khumi hawi y naichi ly taham si u ai. Mychi i hawi y naira dawn nai, tau nai, sa naichi molam y, kamngo pajeng naira avum u ai.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;