JOBA 25:3 - Khumi Common Language Bible

³ Mymy i miseaung kani pri amtaw thau naichi ai, ami kati pajau ai mo? Tameuh i kangvang tym y nai meingtym, napi nai ly ma y awm mo?

JOBA 25:3 ပူးပေါင်းရင်းမြစ်များ

JOBA 16:13

khuteng taki palyh dengdairei, thailiho hawi ang ko; Huni thailiho chynchi ly kai ai prileu na pa-rei, tamo nga hai bo. Na i py mymy ly kai ai pahen y leang rai.

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

ISAIA 40:26

Kani mang y khen angdeang u! Nangchi niu nai ka-sichi ai ami my sa nai mo? Hunichi ai tavaimichi kamta pahawi nai keung ne. Mymy ly ka-sichi ai kati chum baly amyn pathi iy palau na a! Mymy ly sa thai naira len parai nai deaungkho y, huni ka-sichi ly ha harei py tama, nanai by y.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

MATTHAI 26:53

Vai py kani pri i amtaw thau naichi sang tariurei nai meingtym holai nyhrei nai tleaung y nawi keh nai ang pato pi ai nai Ngaai teng y katakeng pajau y, nanai athang khai u a?

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

JOHAN 1:4

Mymy y ly heng naira awm i, huni heng naira ly khumichi i kangvang ne.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

AMTENG HAI NAI 5:11

Naibaly kai ly khen i, areng atehra hawi heng nai amjy palyhreichi hawi, miteaung kehchi ai taki teungtareung nai kani pri i amtaw thau nai neangneangchi i raawi kathai: nichi i nawi nai sai ly meaungkateaung neang neangchi, sang neangneangchi ne.