JOBA 24:4 - Khumi Common Language Bible

⁴ Nichi ly khumi kamawnchi i nga sang naichi paka pi vui iy, khumi kamawnchi ai kamjau kamteang paryh iy, aheu hai bo.

JOBA 24:4 ပူးပေါင်းရင်းမြစ်များ

JOBA 24:14

Khumichi ai padei nai keung ly khutawi neng khala theu iy, khumi kamawnchi ai tleh reng nai ne. Ni ly vum y kangviu sa reng.

JOBA 29:12

Khumi kamawnchi, jeaungmang nai nuro nukai chochi vo hang nai khala, kai ly kasabawm nai ne.

JOBA 29:16

Kai ly khumi kamawnchi i ampo kamta ne; Patang naira avum nai apany vai y nai khumichi i, atitira y abawi pi nai ne.

JOBA 30:25

Kai ly patang naira avum nai khumichi hawi vanrei, kavo nai ny y lawh a? Khumi kamawnchi i vui y, paleung si paleung mawn hai nai ny y lawh a?

JOBA 31:16

Kai ly khumi kamawnchi ai sabawm ai nai mana khala py, akhi vai y; Paleung phra atho di nai neampachy lumaichi ai mana khala py, athang khai y naimy nai awm vai y.

JOBA 31:19

Ateaung alang van pajau y na pa-rei, kamawn acheang nai leaung leaungrei ai avum nai khala,

SAM 109:16

Huni khumi ly mana khala py, pahen ai nai ka-dawn by y; ni ly khumi kamawnchi, kamawn katichi hawi jeaungmang naichi ai pahyp y naimy ana iy padei nai ne.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 22:16

Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

LEU KACHENG 28:12

Khumi kahawichi sa thai naira nga nai khala, khumi bawibawichi ly amo theu nai pawi sa u. Na i py khumi hawi y naichi my peang nai khala, khumichi ly aheu pi pawn nai ne.

LEU KACHENG 28:28

Khumi hawi y naichi sa thai naira nga nai khala, mipuichi ly aheu u reng nai ne. Na i py huni khumichi sa thai naira by y vui nai khala ly khumi kahawichi my peang u ali teang ai.

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 18:18

Ni i ampo ly li-tapawp iy ami i yhmtheaung ai kamjau kamteang lawm naimy khumichi tlang tleaung y hawi y naira sa aninau nai deaungkho y, amy i kamngo molam y dei nai ne.

Ezekiela 22:29

Huni meingtym y awm nai khumichi ly kamjau kamteang sa iy lawm u. Nichi ly khumi kamawnchi ai ana iy, cheng takhrachi ai kamjau kamteang ana u nai ne.

AMOS 2:7

Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.