JOBA 24:18 - Khumi Common Language Bible

¹⁸ Khumi hawi y nai ly tui my um naira y amjau reng nai ne. Ni i peang nai khaileaung meingtym py, Tameuh i amsawi lawi bo. Ni ly my i kreip akho y chei iy, kalop so y leang bo.

JOBA 24:18 ပူးပေါင်းရင်းမြစ်များ

JOBA 22:11

Kani veng nai deaungkho y, nang ly ati sai py niu pajau y. Lem nanai tavo tui my ly nang ai um vui bo.

JOBA 22:16

Huni khumichi ly dei kani tym y rai khala my, tui len naira y amjau u pawn ai.

JOBA 24:11

Nichi ly Olive asitui nip iy, kreip athai ati pi teu i py, mychi kypkyp ly alam naimy awm u.

JOBA 24:6

Nichi ly ami i li hlauchira i choh tyn u. Khumi hawi y naichi i kreip akho theung i, kreip athaichi jaw u nai ne.

JOBA 27:20

Khrikhri pa-rei patang naira ly vaimy len tamangtang nai tui kamta, nichi i tlang tleaung y tym ai. Nichi ly vum y aho nai ali y akheang pawn ai.

JOBA 5:3

Khumi ka-khumchi chymme naimy awm nai ly kaniu vai reng; na i py kai ly nichi i yhm dengtheungchi i tlang tleaung y, vaimy taham si naira tym hai ai nai kapasawi bo.

JOBA 9:26

Kai i heng nai sai py, khri pa-rei rang nai sampho kamta, jeungcho ai ahmtlau my hni nai kamta py, neng kheih kasa nai ne.

SAM 58:7

Nichi ly leaung iy tama pawn reng nai tui kamta lawm u sy; khumi tako nai lamra i acha keungchi kamta, tei piu veng sy.

SAM 69:22

Nichi i cha nei pawichi ly mychi phra ai nai leaungsai lawm hai sy; nichi i sa nai reita pawichi ly mychi atlym ai naira lawm hai sy.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ISAIA 23:10

Spain pri y awm nai koloni prichira i khumichi awi, nangchi chei iy li hlauchi so u! Nangchi ai ama hai ai nai khumi leaungrei py by y leang bo.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.