JOBA 23:13 - Khumi Common Language Bible

¹³ Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

JOBA 23:13 ပူးပေါင်းရင်းမြစ်များ

JOBA 10:13

Na i py huni neng thym thang y, nang ly kai i tlang tleaung y patang naira tym hai ai nai, paleung theung y dawn naimy awm, nanai vai, kai pany bo.

JOBA 10:7

Kai teng y kamngo by y nai hawi, kai ai nangmy kiu i nai amimi py, atleu pajau y, nanai nang ly pany nai ne.

JOBA 11:10

Tameuh ly nang ai ang patiu iy angchih lawh baly, mymy ai ami paka pajau ai mo?

JOBA 12:14

Tameuh my taphra nai ai ly ami my sa palum teang thai ai mo? Tameuh my kawm nai khumi ai ly ami my su pajau ai mo?

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

JOBA 23:14

Mymy ly kai i vui khai pi nai katauchi sa pi takengkei ai; huni dawn tau nai ly nawi parai nai katauchi theung i harei ne.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 115:3

Kaichi i Tameuh ly kani pri mang y awm iy, mymy i ngai nai kamta, ati cheaungkhangchi ai sa bo.

SAM 135:6

Mymy ly kani hawi khaileaung tleaung y py, pangli hawi pangli thiu parai nai theung y py, mymy i ngai nai kamta, ati cheaungkhangchi ai sa nai ne.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

Parip nai leu 1:15

Nang ly ka-kawi ai kataw lawm hai thai y leang; amny amcha y nai atitichi ai py nang kati pajau y leang.

Parip nai leu 3:14

Tameuh i sa nai cheaungkhang ly khaw, nanai kai pany; nang ly hunichi ai panawi bi nai mo, la vui nai mo, so pajau y leang. Tameuh i sa nai harei nai ly mymy ai achi my jei kaji ai nai ne.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

ISAIA 46:11

Kai ly nisi mang i khumi leaungrei ai kapalau ai. Ni ly ahmtlau kamta taba kathiu iy, kai i pasym yb nai kalopchi sa pi ai. Hini ly kai i thui nai leu ne i, hina nai kamta tym takengkei ai.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

ROM AVANGCHI TENG Y PAWLA I CHA PA NAI 9:19

Hunaibaly nang ly kai teng y, “Ati mana nai ang padeng rai mo? Mymy i kangai paka nai keung ly ami mo?” napi ai ngaw khyh.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.