JOBA 22:27 - Khumi Common Language Bible

²⁷ Mymy ly nang i chiu sa nai khala, ang tangai pi ai. Nang ly mymy i adeu yb nai kamta, ka-ymra lawm pajau ai.

JOBA 22:27 ပူးပေါင်းရင်းမြစ်များ

2 ARENG KEH 13:4

Huna nai khala Jehoaha ly Areng teng y chiu sa. Areng my py, Suria samrang my Israela chengchi ai manatanrei ana pumpi na mo, nanai niu nai deaungkho y, Jehoaha i chiu sa nai pathang pi.

1 NENG SATANG 4:10

Na i py Jabe ly Israela chengchi i Tameuh teng y, “Aw Tameuh, kai ai amtheaung hai iy khaileaung neangneang pei ba. Kai hawi vanrei awm hai ba. Kai i tlang tleaung y patang naira tym hai ai nai, hawi y naira cheaungkhang ra i nai lawi hai kyh ba,” nanai chiu sa nai deaungkho y, Tameuh ly Jabe i hnei takeng naichi pei pi nai ne.

2 NENG SATANG 33:13

Tameuh my Manase i chiu sa nai tangai pi i, ni ai Jerusalem mary y vawi ali teang ai nai pei iy, peang ai nai pei. Huna khala naini Areng ly Tameuh ne, nanai Manase hawihai palai pany bo.

JOBA 11:13

Joba awi, nang ly paleung amtlau iy, Tameuh teng y ahihawi ba.

JOBA 27:10

Nichi ly mychi ai mymy i pei nai amo theu naira ngai u ai nai avo parai; Mymy teng y neng tleirei, chiu sa u ai nai avo nai ne.

JOBA 33:26

Tameuh ly huni khumi i chiu sa nai pathang pi ai; ni ly Tameuh ai amo theu parai naimy chiu ai; Tameuh ly ni ai angchei i kuchira y tym hai ali teang ai.

JOBA 34:28

Huni khumichi i pahyp y naimy ana naira avum nai, khumi kamawnchi ly Tameuh teng i kasabawmra hnei ai nai aeu u nai khala, mymy ly nichi i aeu nai raawi thai.

JOBA 8:6

Nang ly khri pa-rei chai i hawi lawh baly, Tameuh ly ang jeu iy nang ai ang sabawm ai. Kawn vang langseaung pei nai kamta, nang i yhm dengtheungchi ai, palum pi ali teang ai.

SAM 116:1

Areng ly kai i hnei takeng nai raawi tangai pi nai deaungkho y, kai ly mymy ai khrei; mymy ly kai i chiu sa nai tangai pi nai ne.

SAM 116:14

Kai ly mymy teng y vaineng adeu nai kamta, mymy i khumichi awm achu naira y, kaimy i adeu nai talam ai.

SAM 56:12

Aw Tameuh, kai ly nang teng y leu adeu nai kamta, adeu nai leu khaw hai ai; nang teng y palo nai kapathypra kang talam ai.

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

Parip nai leu 5:4

Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

JEREMIA 29:12

Huna nai khala y nangchi ly kai ai palau u ai; kai teng y jeu iy chiu sa u ai. Kai py nangchi i hnei takeng nai kang pathang pi ai.

JONA 2:9

Na i py kai ly nang i nang parai nai ai palo ai; nang teng y apathyp ai. Naibaly kaimy i adeu nai kamta tangai ai. Ati mana nai mo na baly atleu naira ly Areng teng i dengdairei tym nai ne!” nanai chiu sa.

Leu Thui Nai 23:21

“Nangchi ly nangmychi i Areng Tameuh teng y vaineng adeu baly, huni adeu nai kamta sa khyp ai nai pathlai moh, pathlai lawh baly nang teng y kamngo tym ai.