JOBA 22:22 - Khumi Common Language Bible

²² Mymy i parip nai leu tangai ly leu pei nai ai paleung theung y dawn cheng ba.

JOBA 22:22 ပူးပေါင်းရင်းမြစ်များ

2 NENG SATANG 33:13

Tameuh my Manase i chiu sa nai tangai pi i, ni ai Jerusalem mary y vawi ali teang ai nai pei iy, peang ai nai pei. Huna khala naini Areng ly Tameuh ne, nanai Manase hawihai palai pany bo.

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

JOBA 6:10

Hina nai kamta, mymy sa ai na lawh teu baly, kai ly patang naira khri pa-rei avum teu i py, amo theu naimy achaw ai. Tameuh ly chai parai nai ne, nanai kapany bo. Kai ly mymy i leu pei naichi, mana khala py akhi vai y.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

LEU KACHENG 4:21

Hunichi ai mana khala py nangmy hawi amprei mo ly pany jo iy nang i paleung theung y pateungme ba.

LEU KACHENG 4:4

kai i ampo ly kai ai, “Nang ly kai i leu ai pateungme iy pany jo ba. Mana khala py tami moh. Kaimy kang thui pi nai kamta so; hunaibaly nang heng ai.

JEREMIA 15:16

Nangmy leu pei nai khala y kai ly hawihai palai tangai nai ne. Nang i leu pei naichi ly kai i paleung ai kawn hai nai hawi amo theu hai naira ne. Ati cheaungkhang sa thai nai Areng Tameuh, kai ly nang i amyn apu nai ne.

Ezekiela 3:10

Tameuh my thui pi bi nai ly “Nang khumi cho awi, kai i leu kang pei nai ngiereichi ai hawihai palai tangai iy dawn patyp ba.

MATTHAI 12:35

Khumi kahawi ly mymy i paleung i yhmtheaung kahawi i dengdairei atiti kahawi patheu reng; khumi kamngo ly mymy i paleung i yhmtheaung hawi y nai i dengdairei atiti hawi y nai patheu reng.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

LUKA 2:19

Na i py Mari my ly huni leu thui nai bawibawi ly mymy i paleung theung y dawn iy pateung me jo.

LUKA 2:51

Hunaibaly mymy ly nini hawi chei kathiu i, Nazaret avang y tym iy, nini i leu tangai jojo. Naibaly amhm my ly huni atiti bawibawi ly mymy i paleung theung y pateung me jo.