JOBA 22:21 - Khumi Common Language Bible

²¹ Joba awi, vai, Tameuh hawi ka-ly so ba. Mymy ai paleung ka-e kamta, palawn moh jau ba. Huna khala naini, mymy ly nang ai amtheaung hai ai.

JOBA 22:21 ပူးပေါင်းရင်းမြစ်များ

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 34:10

Khrangsichi malawn py, teicha avaw iy kajeu alam u ai. Na i py Areng i leu tangai nai khumichi ly hawi naira sai sairei py takang u ai ny y.

ISAIA 27:5

Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.

MATTHAI 5:25

Nang ly nang ai seu nai keung hawi lam y tako hawi nai thym khala y ly aly hai praw, ti y baly seu nai keung ly nang ai tara chih nai keung teng y ang tym hai iy, tara chih nai keung ly pajeng nai keung teng y ang au ai i, theaung y ang peaung lawh na.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

PHILIPI 4:7

Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.