JOBA 22:13 - Khumi Common Language Bible

¹³ Na i py nangmy, “Tameuh ly ati ai pany nai mo? Mymy ly khupanymchi my deng khyp nai deaungkho y, achi ai ati mana tara chih thai ai mo?,” nanai thui lawh.

JOBA 22:13 ပူးပေါင်းရင်းမြစ်များ

JOBA 34:22

Kamngo sa tamang nai khumi ai, Tameuh my niu pajau y ai nai pa-rei, veng hai nanai kaveng ly by y.

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 139:11

Kai ly kaimy ai khiu ai nai kaveng ai py, kaimy i sahawi y awm nai kangvang ai vum mang y amtlau hai ai nai py, leu pei lawh baly,

SAM 139:7

Kai ly nang hawi palo ai nai mani meingtym mang y chei vui ai mo? Nang i mei keung i nai amphri vui ai nai mani meingtym mang y theu vui ai mo?

SAM 59:7

Nichi i mei aniu y naimy pajei nai leu ai ly tangai ba. Nichi i palai ly haisau kamta ne; na i py nichi my, “Kaichi i leu ai amimy thai ai mo?,” nanai katheu u bo.

SAM 64:5

Nichi ly hawi y nairachi ai dawn tau naira y, mychi tengtawi atho pei u bo; nichi ly deaung kawm ai nai meingtymchi arum u iy, “Hini deaungchi ai ami py miu pajau y,” nanai thui u nai ne.

SAM 73:11

Nichi my, “Tameuh ly pany ai ny y leang; salo kangteng y awm nai keung ly niu pajau ai ny y,” nanai thui u.

ISAIA 29:15

Areng teng y amychi i dawn pasym naichi apha vui ai nai atho sa nai khumichi ly taham si! Nichi ly mychi i dawn tau naichi kangviu y sa nai ly amychi ai ami my py niu ai ny y; amychi i atitichi sa naichi ai py ami py pany ai ny y, nanai athang khai u.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

Ezekiela 8:12

Tameuh my kai ai, “Nang khumi cho awi, Israela cheng luchi i kangviu kam-ai y sa naichi nang niu a? Nichi ly mymychi kypkyp i mynchi awm nai takun theung y chiu u. Nichi my, ‘Areng ly achi ai niu y leang! mymy ly achi i pri khai su bo,’ nanai akhi u,” napi.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

AMOS 9:2

Khaileaung y angawm tai iy tavau pri y aheu teu i py, kai ly nichi ai ngo y nai nga pa-rei patiu ai. Kani mang y lyn kalau teu i py, nichi ai atheu kathiu ai.

AMOS 9:3

Nichi ly Karamela mawi salo y aheu u teu i py, nichi ai hau iy patiu ai. Kai teng i nai tleaung ai nai pangli paichi theung y aheu lawh baly, nichi ai pajawn ai nai pangli naka ai leu pei ai.

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.