Hini molam y kai ly nang i samrang kangpreang phra hai ai; katheang kalen patleh takhra y naimy, nang i katu chanauchi i neampacho ka-so ngierei ai ly katamyh vui ai. Nang i yhm dengtheungchi ai py kaimy pasyn vui ai; nichi ai siei kamta pasyn pan vui ai.
Paleung ka-echi ly kai i satang hawi y nai thui u bo. Nichi my, “Hini khumi ly mana khala dei iy, khumichi my ni i amyn mana khala tami ai mo?,” nanai ka-e paleung katheu u bo.
tavai sum u nai deaungkho y, nichi i veuchi ly tavai atiu nai meingtym y veaung tlawn nai kamta, huni amsawi amnai asa nai kamkawm ai py, huna nai khaileaung y veaung tlawn naira vum hai ba.
Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.