JOBA 20:12 - Khumi Common Language Bible

^12-13 Ni ly hawi y sa nai ai, hawi pany nai deaungkho y my i palai tleaung y khai iy khreip, nanai pa-rei hawi pany thai nai ne.

JOBA 20:12 ပူးပေါင်းရင်းမြစ်များ

ATITI AWM ANGCHEI NAI 3:6

Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang.

2 SAMUELA 11:12

Naibaly Davida my, “Tuna baly hini meingtym y my, vaini amdaw rai, khawndam ly kang pato teang ai,” napi. Naibaly Uriah ly huni kani hawi khawn pa-nyh ryrei, Jerusalem mary y awm.

JOBA 15:16

Khumi ly kamngo ai tui kamta teaung reng; khumi ly meitang khyp, hawi y nai sa reng i, amso ngai ai nai hawi.

SAM 10:7

Nichi i labeaung ly pasawi nai, tapawp nai, pajei pahyn naichi kawi na. Niu ngai y nai leu hawi chai y nai leu katheu tamangtang bo.

LEU KACHENG 19:28

Khumichi rai naira avum hai ai nai katheu nai, pany hai nai keung abawi nai tara leu ly tara leu pacheang pajau y. Khumi hawi y naichi ly hawi y naira ai ngai u lawh nai ne.

LEU KACHENG 20:17

Teng y nai lam hawi nga nai yhmtheaung katui ly tui parai nai teicha teinei kamta khrei ai hawi parai teu i py, kra y nai sala y my aneaung cha nai atawm ai.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.