JOBA 2:2 - Khumi Common Language Bible

² Ni ai Areng my, “Nang ly ma mang i jeu nai mo?” nanai deng. Setan my, “Kai ly khaileaung pri y aki aleaung nai ne,” nanai pathang.

JOBA 2:2 ပူးပေါင်းရင်းမြစ်များ

ATITI AWM ANGCHEI NAI 16:8

Ni my, “Sarai i miseaung nu Hakari awi, ma i dengdairei jeu nai mo? Ma y chei ai nai mo?” nanai deng. Hakari my, “Kai ly kaimy i yhmkeung nu Sarai teng i preang nai ne,” nanai pathang.

JOBA 1:7

Areng my setan teng y, “Nang ly ati sa mo? nanai deng. Setan my, Kai ly khaileaung pri y aki aleaung nai ne,” nanai pathang.

JOBA 2:1

Areng i mo y kani pri mang ichi, ahihawi nai neng kani tym bi nai khala, setan py nichi hawi vanrei abawi teang bi nai ne.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;