JOBA 2:12 - Khumi Common Language Bible

¹² Nichi ly kamlo mang dengdairei Joba ai niu u teu i py, mo ma u y na bo. Joba ne, nanai pany u nai khala, nichi ly vo tangam naimy, mychi i ateaungchi sei iy, mychi i lu tleaung y spryh tla hai ai nai pachaw u bo.

JOBA 2:12 ပူးပေါင်းရင်းမြစ်များ

ATITI AWM ANGCHEI NAI 27:34

Esaw ly huni leu thai baly vo hang naimy ampo teng y, “Ngaai awi, nang i amtheaung naira kai ai py pei tanga kyh!” nanai takeng.

2 SAMUELA 13:36

Ni i leu tem phai tem baly Davida i chapochi ly tym u bo. Nichi vo u nai deaungkho y, Davida hawi bangtangchi py khri pa-rei vo u nai ne.

EZARA 9:3

Kai ly huni leu thai nai khala y kaimy i ateaungchi kasei iy sam hawi labeaung mui py ka-kyn i, paleung si naimy ka-teh su bo.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:1

Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

JOBA 19:14

Kai ly amjo amnau hawi, ahawi ka-dawi py by y leang bo.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

Ezekiela 27:30

Nichi ly mymychi i lu tleaung y spryhchi aphui iy speung y jawn u i, nang i vui khrikhri pa-rei vo tangam u bo.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.

TARA CHIH NAI KEUNGCHI 2:4

Hina nai kamta kani pri amtaw thau naimy thui chum nai khala, Israela cheng bawibawichi ly khri pa-rei vo u.

1 SAMUELA 11:4

Sawla awm nai Kibeah mary y savaichi tym u i, huni satang amti pi nai khala y, khumichi ly paleung phra atho di u i, vo u bo.

1 SAMUELA 30:4

Davida hawi my i khumichi ly atho bai nanai pa-rei vo u bo.

1 SAMUELA 4:12

Benjamin cheng theaung theung i khumi leaungrei ly tavai atiu nai meingtym i dengdairei angpreng prei bo. Ni ly paleung si nai ka-ma-ra baichuchi sei iy, lu y spryh aphui naimy Siloh mary y kanirei tym prei.