JOBA 2:10 - Khumi Common Language Bible

¹⁰ Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

JOBA 2:10 ပူးပေါင်းရင်းမြစ်များ

ATITI AWM ANGCHEI NAI 3:17

Naibaly Tameuh my neampacho teng y py, “Nang ly aju i leu tangai iy kai my cho moh kang napi nai thengthai ly cha lawh nai deaungkho y khaileaung ly nangmy i vui amsawi lawi bo. Nang ly kajeu ka-rei ka-leu nga ai nai nangmy deungrei patang parai naimy kalop sa ai nai tla.

2 SAMUELA 13:13

Kai ly khumichi theung y mana meimai amteng vam ai mo? Nang py Israela chengchi theung y, pipi tahm awm ai ny y. Pahen parai naimy samrang teng y takeng ba. Huna nai takeng baly samrang my kai ai, nang teng y pei y nai ly awm ai ny y,” napi.

2 SAMUELA 19:22

Na i py Davida ly Abisai hawi ni i amjo Juaba teng y, “Nangni i dawn nai ly ami my hnei takeng mo? Nangni ly kai ai patang hai ai nai ngai nai sai a? Vai, kai ly Israela samrang lawm veng bo. Hunai deaungkho y vaini ly mani Israela cheng leaungrei ai py padei u moh,” napi chum baly,

2 SAMUELA 19:28

Kai i ampo yhm dengtheung bawibawichi ly nang i kiu y dei ai ataing naichi ne. Na i py nang ly kai ai nang i sabawi y cha ai nai pei bo. Samrang nang teng i pahen naira ati sai py hnei bi ai nai by y leang bo,” napi.

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

JOBA 1:10

Nang ly ni hawi ni i yhm dengtheungchi ai py, ni i nang nai yhmtheaung katuichi ai py ama hai iy kry pi bo. Ni i sa nai ngiereichi ai amtheaung hai i, si painochi py kati leila pajau y na pa-rei, neangneang peung hai bo.

JOBA 2:9

Ni i aju my, “Nang ly ka-ym awm asai rai a? Tameuh ai pasawi iy dei jau be,” napi.

SAM 39:1

“Kaimy i sa nai sai molam y adawn patyp ai; labeaung hawi malawn py tamang y ai nai adawn patyp ai. Khumi hawi y nai sahawi y kaawm nai thym khala y, kai ly ati sai py katheu y naimy awm ai,” nanai kai ly thui bo.

SAM 39:10

Kai i tlang tleaung y kamngo pajeng bi moh kyh ba! Nangmy pei nai tamo kalemchi molam y, kai ly kadei vi na bo.

SAM 39:9

Nang ly kai i tlang tleaung y hina nai no patang hai nai deaungkho y, kai ly kaawm pypy ai; leu sairei py katheu y leang bo.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

LEU KACHENG 9:13

Akhum nai ly pany thai naira hawi, kangji kangai by y iy, raawi amkau parai nai neampachy hawi atawm.

LEU KACHENG 9:6

Hengra nga ai nai cheng y nai khumi mipuichi theung i theu iy, cheng naira lam y phai tako u,” napi.

Parip nai leu 7:14

Nang i vui ati cheaungkhang amsym naimy awm nai khala, amo theu naimy awm ba. Na i py patang naira avum nai khala y Tameuh my amo theu ai nai hawi patang ai nai ang pei bawi reng; mo mang y mana lawm ai mo, nanai nang pany pajau y leang; hunichi ai adawn pasym ba.

TANGAM NAI LEU 3:37

Areng i ngai nai kamta naini, sa nai sai amcheang ai tla.

MATTHAI 16:23

Naibaly mymy ly hi iy Petera teng y, “Setan! Kai i nithun mang y anaw la; nang ly kai i vui atlym ai naira ne; nang ly Tameuh i atitichi dawn y nai ly, khumi i atitichi dawn lawh nai ne na a hi ly,” napi.

MATTHAI 25:2

Nichi theung y leaung pangrei ly cheng y i, leaung pangrei ly cheng.

JOHAN 18:11

Naibaly Isu my Petera teng y, “Haisau ly keu y pacheang ba; Ampo my kai ai pei nai khau ly kai nei y ai a?” napi.

ROM AVANGCHI TENG Y PAWLA I CHA PA NAI 12:12

Areng i kalop so u ly; athang khai naira y kawn u ly; patang naira y kham pajau u ly; chiu sa ai nai patlaw u moh;

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 3:2

Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.

1 SAMUELA 3:18

Naibaly Samuela ly ati sai py takhawi y naimy, leu pei nai ngierei amti pi bo; Eli my, “Mymy ly Areng ne; mymy i ngai nai kamta so hai sy,” napi.