JOBA 19:5 - Khumi Common Language Bible

⁵ Nangchi my nangmychi ai kai tleaung y hawi, nanai athang khai iy kai ly kamngo awm nai deaungkho y, hini patang nairachi avum nai ne, nanai dawn u lawh.

JOBA 19:5 ပူးပေါင်းရင်းမြစ်များ

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

JOBA 19:4

Kai, sa tamang lawh teu i baly, huni tamangra my nangchi i tlang tleaung y, mana patang naira tym hai lawh sai a?

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 38:16

Kai i patang nai molam y paleung ka-echi ai paleung ateng hai ai nai pei moh. Nichi ai kai i atlym nai molam y amlyh ai nai pei pi moh.

SAM 41:11

Paleung ka-echi ly kai ai eaung ai ny y nai deaungkho y, kai i tlang tleaung y nangmy khrei, nanai kai pany pajau ai.

SAM 55:12

Panui hai nai khumi ly kai i paleung ka-e ne lawh teu baly, kakham pajau nai ne; kai i molam y amlyh nai paleung ka-e ne lawh baly, kai ly ni ai en vui pajau.

SAM 55:13

Na i py huna nai sa nai khumi ly kai i ahawi kamrawi, kalop sa ahawi nai amrawi keh nai ahawi ne lawh ly!

ISAIA 4:1

Huni neng tym nai khala y neampacho leaungrei ai neampachy leaung saryhreichi my katanmeuh iy, “Kaichi ly kaimychi cha ai nai hawi ateaung ai nai i vui ly ka-vo sa pajau nai ne. Juvo dengtheung by y nai molam y kangji ngo y ai nai, nang ai kaichi i juvo palawn ai nai pei ba,” nanai thui u ai.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

ZEPHANIAH 2:10

Huna nai kamta Moba hawi Ammon khumichi ly mymychi i paleung len nai, amlyh am-e nai hawi ati cheaungkhang sa thai nai Areng i khumichi ai, mei aniu y nai molam y pajeng naira avum u ai.

ZEKHARIAH 12:7

“Kai, Areng ly Juda tavaimichi ai eaung naira pei manme ai. Hinai kamta Davida i katu chanauchi hawi, Jerusalem mary i khumichi nga ai nai tahm awm nai ly takhra Juda chengchi i tahm awm nai tleaung y asang ai ny y.

LUKA 1:25

“Khumichi teng y kai i amyn hawi y nai khiu ai nai Areng my kai ai ang niu khala y hina nai ang sa pi bo,” nanai lo pangrei aheu.

JOHAN 9:2

Naibaly abangnaichi ly mymy teng y, “Rabbi, mei kamju naimy tapen nai ly kamngo sa nai ami mo? Hini khumi my a, amhm ampo my a?” nanai deng.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

1 SAMUELA 1:6

Areng my cho chanau so hai y nai deaungkho y, Peninah ly Hannah ai cheh iy paleung mawn hai reng.