JOBA 19:13 - Khumi Common Language Bible

¹³ Tameuh ly kai i amjo amnauchi my, kai ai ang khai su ai nai sa hai. Kai ly kaimy i kamnychi mo y malawn py, apany vai y nai kamta lawm hai bo.

JOBA 19:13 ပူးပေါင်းရင်းမြစ်များ

JOBA 16:20

Ahawi kamrawichi ly kai ai cheh u; Kai ly Tameuh i mo y meikatui tla naimy kaawm bo.

JOBA 16:7

Aw Tameuh, nang ly kai ai patang hai bo; kai i yhm dengtheungchi ai tama hai pawn bo.

JOBA 42:11

Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

JOBA 6:15

Na i py kai i ahawichi awi, nangchi ly kani nai y baly tui kang reng nai tavo micheaung kamta, kai ai li-tapawp u bo.

JOBA 6:20

tui kang nai tavo micheaungchi naini avum nai deaungkho y, athang khai naira by y bo.

SAM 31:11

Paleung ka-e bawibawichi ly kai ai panui hai. Yhm deaungpa my mei aniu y nai ang sa u kehkeh bo. Kai hawi apany nai ahawichi ly kai ai jei u nai ne. Kai hawi lam y avum nai khala y, angpreng u pawn bo.

SAM 31:12

Kai dei veng nai kamta, khumi bawibawichi ly kai ai tami u pawn bo. Kai ly aphi su nai laawm ka-kawi kamta lawm bo.

SAM 38:11

Kai i tamo angvawichi molam y ahawichi hawi yhm deaungpachi ly kai i sahawi y ahai u y. Kaimy i yhm dengtheungchi malawn py, kai teng y jeu u y na bo.

SAM 38:12

Kai ai padei ai ngai naichi ly deaungchi pateung u bo. Kai ai patang hai ai ngai naichi ly ang pajei u nai ne. Nichi ly kai ai padei ai nai avawrei patym u bo.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

SAM 69:20

Mei aniu y naira avum nai deaungkho y, kai ly paleung mawn iy paleung phra atho di na bo. Kai ly kapahenra kadeaung nai khala y, pahen ai nai keung avum y; paleung awmnem naira kadeaung nai khala y, paleung awmnem naira pei ai nai khumi by y.

SAM 69:8

Kai ly kaimy i amjo amnauchi theung y apany vai y nai kamta py, yhm dengtheungra y pri takhra khumi kamta py lawm bo.

SAM 69:9

Nang i Achura yhm ai dawn ryh patyh nai ly kai i paleung theung y mai kamta angveaung na bo; nang ai mei aniu nai katheu naichi ly kai ai mei aniu y nai leu katheu naichi ne.

SAM 88:18

Kai i ahawi hawi keh naichi ai malawn py, kai ai khai su hai bo; kai i ahawi ka-dawi sa ai nai ly kaveng naini awm khyh bo.

SAM 88:8

Nang ly kai ai ahawichi my khai su hai bo; nang ly kai ai nichi i mo y angji ngailai hai bo. Kai ai ang paeung u cheng i, law tleaung pajau y bo.

TANGAM NAI LEU 1:19

“kai ly kaimy i amsawi amnaichi teng y kasabawmra hnei teu i py, nichi ly akhi u nai ne. Pathyp pi nai keungchi hawi mary i lu sa nai keungchi ly mymychi heng ai nai i vui y teicha teinei hau u nai thym y, lamchira y dei u bo.”

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

II TIMOTHEI 4:16

Kai i eaung nai leu thui man nai kha y ami py kai ai sabawm y; bawibawichi ly kai ai khai su bebe lawh veng; huni ly mymychi i tlang tleaung y tym moh sy.