JOBA 18:12 - Khumi Common Language Bible

¹² Ni ly nang chawn nai khumi ne i py, vai i neng y ly avaw i, alam nai ne. Khri pa-rei ka-jeira ly ni i sahawi y angdo naimy ajeng yb bo.

JOBA 18:12 ပူးပေါင်းရင်းမြစ်များ

JOBA 31:3

Mymy ly hawi y sa nai khumichi ai patang naira hawi myh kang naira tym hai bo.

SAM 109:10

Ni i chanauchi ly yhm hlau amny y nai, cheaung nai khumichi lawm u iy, mychi awm nai yhm kaphrachira i nai, patheu pawn nai avum u sy!

SAM 34:10

Khrangsichi malawn py, teicha avaw iy kajeu alam u ai. Na i py Areng i leu tangai nai khumichi ly hawi naira sai sairei py takang u ai ny y.

ISAIA 8:21

Khumichi ly mymychi i pri y paleung phra athosi naimy kajeu alam iy heng u ai. Nichi ly kajeu alam nai hawi kado theu naichi molam y, mychi i samrang hawi mychi i Tameuh ai josei u ai. Nichi ly kani mang y khen angdeang kalau nai khala py,

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

1 SAMUELA 2:36

Nang i kangpreangchi theung i, heng naimy awm jo nai nang i chanau ngierei ly huni pathyp pi nai keung teng y chei iy, tangka hawi teicha teineichi takeng u ai. Nichi ly teicha teinei nga ai nai molam, pathyp pi nai keungchi kalop sa naira y kasabawm ra nga ai nai hnei kajeaung kaji ai.

1 SAMUELA 2:5

Vaichi khala kajeu kawi nai khumichi ly vai i neng y cha-nei ai nai vui tham ai nai tla bo; na i py cha-nei avaw naichi ly bym pa-rei cha ai nai nga bo. Teng nai neampachy ly deaungdi leaung saryhrei tapen; na i py chanau sawi nai amhm ly leaungrei py by y leang bo.