Na i py kai i ahawichi my, vum ly kanithun palawn u bo. Nichi ly angvang ai nai neng kasa bo, nanai thui u teu i py, kai ly kaveng theung y awm jo rai, nanai kapany.
Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.
Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.
Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.