JOBA 15:5 - Khumi Common Language Bible

⁵ Nang i hawi y nai sai ly nangmy i katheu nai leuchira my amteng nai ne. Nang ly leu ali alawi katheu kawp naichi hawimy abyh iy awm bo.

JOBA 15:5 ပူးပေါင်းရင်းမြစ်များ

JOBA 11:6

Mymy i cheng nai ly thiu parai nai sai, khumichi i cheng naira hawi pho pajau y na pa-rei, thiu parai naichi ly nang teng y ang thui pi ai mang. Tameuh ly nang i tlang tleaung y pajeng ai ataing nanai teu i py, nang ai kamngo pajeng nai ly di hai ai.

JOBA 12:6

Kangviu damrachi hawi tameuh by y nai khumichi ly mymychi i atho haiho naini, a-ym nai khumichi ne i py, tlamsa naimy awm u nai ne.

JOBA 15:4

Amychi ngai nai kamta sa pajau ai nabaly, ami py Tameuh ai tahm khai naimy jei kaji ai ny y. Ami py mymy teng y chiu sa u ai ny y leang bo.

JOBA 22:5

Nang ly khri pa-rei kamngo sa nai deaungkho y hawi, nang i sa tamang naichi khri pa-rei, nawi nai deaungkho y ny y a?

JOBA 32:1

Joba ly mymy teng y kamngo by y, nanai ym thleng nai deaungkho y, huni ahawi leaung thomreichi ly ni teng y thui u ali teang y leang bo.

JOBA 32:2

Joba ly mymy ai khumi kahawi nanai thui iy, Tameuh ai hawi y pei nai deaungkho y, nichi sahawi y angdo nai Eliho ly my i kado theu nai am-yh pajau y bo. (Eliho ly Buza kangpreang, Ramah nupai, Barakela i chapo ne.)

JOBA 5:12

Mymy ly tau awm nai khumichi i ka-dawnchi phra hai ai. Khumi kachengchi ai py, mychi i paran nai hawimy pakhum hai reng nai ne. Hunai deaungkho y nichi ly mychi i sa nai leaungsai ngiereichira y, eaung naira ngo u y.

SAM 64:3

Nichi ly mychi i palai ai haisau kamta kata u; kapahenra by y nai leuchi, napi nai thailihochi pateung u yb bo.

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

LUKA 6:45

Khumi kahawi ly ni i paleung i yhmtheaung kahawi i dengdairei atiti kahawi patheu reng, khumi kamngo ly ni i paleung yhmtheaung hawi y naira i dengdairei atiti hawi y nai patheu reng: ni i paleung y kawi palai nai ly labeaung y thui reng.

JAKOB 1:26

Ami py, “Kai ly Tameuh i reita patawm,” nanai adawn iy amy i palai ai hawihai atyp y pasi lawh baly, amy i paleung ai atapawp nai teu, huni khumi i reita ly ati sai py ny y leang.