JOBA 15:34 - Khumi Common Language Bible

³⁴ Tameuh by y nai khumichi ly katu chanauchi sa u ai ny y. Un tangka hawi yhmchi ly mai y kang vui ai.

JOBA 15:34 ပူးပေါင်းရင်းမြစ်များ

JOBA 11:14

Hawi y naichi ai nang i yhm i nai patheu pawn veng ba.

JOBA 12:6

Kangviu damrachi hawi tameuh by y nai khumichi ly mymychi i atho haiho naini, a-ym nai khumichi ne i py, tlamsa naimy awm u nai ne.

JOBA 15:30

Ni ly kaveng theung i nai tleaung ai ny y. Changpichi ai mai my kang iy, pauchi ali theung y akheang pawn nai dengkeaung keung hawi atawm ai.

JOBA 18:15

Vai ly ni i kanih yhm theung y kan deichi hei iy, no michi padei pawn chum baly, khumi takhrachi my athum u vui ai.

JOBA 20:1

Joba awi, kai i paleung ai pachei nai deaungkho y vai, kai ly awm pypy thai y i, kang pathang pi ai.

JOBA 27:8

Tameuh by y nai khumichi i hengra ai, Tameuh my la pi veng nai neng khala, nichi i vui ati athang khai naira awm ai mo?

JOBA 36:13

Tameuh by y nai khumichi ly kado theu kari theu u jo nai ne; kamngo pajeng naira avum nai khala malawn py, mymy teng y kasabawmra hnei u y.

JOBA 8:13

Tameuh by y nai khumichi ly huni japang-eumuichi hawi atawm; Tameuh ai tami vui nai dengdairei, nichi ly athang khai naira by y nai lawm u bo.

JOBA 8:22

Na i py nang i tlang tleaung y niu ngai y naichi ai kangji nga hai ai. Khumi hawi y naichi i awm nai yhmchi py, tama pawn ai.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

1 SAMUELA 12:3

Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.

1 SAMUELA 8:3

Na i py nini ly ampo i lawi hui y; paisa tangka nga ai nai mang y naini paleung apei khyh; hunai deaungkho y unchi talam i, leu meitang tara chih pi vai y leang bo.