JOBA 15:28 - Khumi Common Language Bible

²⁸ Ni ly marychi hawi yhmkeungchi preang pawn iy, khai su nai yhmchira y athum bo. Na i py huni mary, huni yhmchi ly tavai takai molam y phra ai.

JOBA 15:28 ပူးပေါင်းရင်းမြစ်များ

JOBA 18:15

Vai ly ni i kanih yhm theung y kan deichi hei iy, no michi padei pawn chum baly, khumi takhrachi my athum u vui ai.

JOBA 3:14

mary kaphrachi ai palum teang nai samrangchi hawi bangtangchi i-nem pawn nai kamta, kai ly vai ka-i nem veng ai bo.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.