JOBA 14:1 - Khumi Common Language Bible

¹ Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 14:1 ပူးပေါင်းရင်းမြစ်များ

ATITI AWM ANGCHEI NAI 3:17

Naibaly Tameuh my neampacho teng y py, “Nang ly aju i leu tangai iy kai my cho moh kang napi nai thengthai ly cha lawh nai deaungkho y khaileaung ly nangmy i vui amsawi lawi bo. Nang ly kajeu ka-rei ka-leu nga ai nai nangmy deungrei patang parai naimy kalop sa ai nai tla.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

2 ARENG KEH 4:19

Tlenrei khyhmy deaungdi ly ampo teng y, “Kai ly lu no parai! kai ly lu no parai!,” napi. Naibaly ampo my miseaung leaungrei teng y, “Deaungdi ai tapawm iy amhm teng y tha,” napi.

JOBA 10:20

Kai i heng nai ly tem ai nai kasa bo ny y a? Kai ai kaimy tlairei khai su ba! Heng ai awm rai nai neng kani khala ly amo theu naimy awm ai nai pei ba.

JOBA 15:14

Khumi ly meitang khyp, kamngo by y a? Ami nai Tameuh i mo y khumi kahawi lawm pajau ai mo?

JOBA 25:4

Tameuh i mo y mani khumi ly khumi kahawi hawi, khumi kachai lawm pajau ai mo?

JOBA 25:5

Mymy i mo y lo ly angvang y, ka-sichi py amchai y.

JOBA 5:7

Mai kadeu ly mai kalichi lawm hai reng nai kamta, Khumi py amy i ngari kamtang tym hai reng nai ne.

JOBA 7:1

Khumi ly khaileaung y akawm parai naimy kalop sa ai tla nai ne. Kalop ram sa nai khumi hawi atawm.

JOBA 7:6

Kai i neng kanichi ly athang khai naira by y naimy kheih veng bo. Kalang tengkaleng tleaung y malawn py, neng kheih nai rang keh.

JOBA 8:9

Achi ly deung dawi iy, ati leaungsai py pany u y nai ne. Achi ly khaileaung salo y tla nai pa-pui kamta asyh reng.

JOBA 9:25

Kai i neng kani ly kheih kasa veng bo; kanirei py kai ai hawi naira pei y.

SAM 39:5

Nang ly kai ai khri pa-rei deung dawi hai lawh ly! Nang i mo y kai i heng nai sai ly ati sai py ny y nai kamta ne. Meitang khyp, heng nai amjy khumi angso nanai ly taho kathiu, kaho kalau nai ryrei khyh.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

SAM 89:47

Kai i heng nai ly mana tanrei deung dawi mo, nanai pany pi jo kyh ba; nang ly dei nai amjy napi nai kaichi bawibawi ai sa nai ne, nanai pany pi jo kyh ba.

Parip nai leu 2:17

Hunai deaungkho y khumi i heng nai deung ly kai i vui y ati sai py ny y leang. Ati mana nai mo nabaly huni heng nai deung y awm nai atitichi ly kai i tlang tleaung y patang naira naini ang pei nai deaungkho y ne. Huni bawibawichi py atyhtyh teu; kai ly ali ai kapatiu nai kamta ne.

Parip nai leu 2:23

Nang i sa nai ati cheaungkhangchi ly heng nai sala ryrei, nang ai paleung bi naira hawi paleung phra naira naini avum hai khyh. Vum y py nang ly paleung awmnemra ngo y, huni atitichi py atyhtyh teu.

JEREMIA 20:18

Kai ly ati mana nai y tapen lawh mo? Paleungbi nai hawi ngari kamtang avum ai nai lawn ai a? Kai i heng nai ly kangji kangai hawi deung tlum ai bo a?

MATTHAI 11:11

Meitang khyp kang thui pi, neampachy i tapen nai theung y Baptis sa nai Johan tleaung y len keh nai ly theu vai y rai; na i py kani pri i khumi theang kyh nai py ni tleaung y len kyh veng rai.