JOBA 12:6 - Khumi Common Language Bible

⁶ Kangviu damrachi hawi tameuh by y nai khumichi ly mymychi i atho haiho naini, a-ym nai khumichi ne i py, tlamsa naimy awm u nai ne.

JOBA 12:6 ပူးပေါင်းရင်းမြစ်များ

JOBA 12:5

Ngari kamtang avum y nai khumi ly kai ai thui preaung u bo. Atheng nai khumi ai atlym pa-rei nui u moh.

JOBA 12:7

Tavochi hawi tawnbawichi teng i malawn py, nangchi amtiu ai naira neangneang awm.

JOBA 15:13

Tameuh ai ati mana nai kado theu hai iy, hina nai katheu lawh mo?

JOBA 22:18

Na i py nichi ai nang chawn hai nai keung ly Tameuh ne. Khumi hawi y naichi i dawn tau nai sai kai dawn pajau y.

JOBA 24:23

Tameuh ly ni ai tlamsa naimy awm ai nai pei lym ai; na i py khen patawm jojo reng nai ne.

JOBA 9:24

Tameuh ly khaileaung pri ai, khumi hawi y naichi i kiu tleaung y au bo. Tara chih nai keungchi i, cheng nai mei ai paju hai bo. Hinichi ai Tameuh so y baly ami sa ai mo?

SAM 17:14

Vai, heng nai deung y ngai nai kamta angym nai khumichi kiu i nai kai ai atleu kyh ba. Nichi i vui y nangmy pateung pi achu nai ngari kamtang hawimy, nichi ai pajeng kyh ba. Huni ngari kamtangchi ai nichi i cho chanauchi teng khyh chang y naimy, nichi i katu chanauchi ai py avum hai ba.

SAM 37:1

Khumi hawi y naichi i molam y paleung mawn u moh. Sa tamang nai khumichi molam y paleung angai y nai awm moh.

SAM 37:35

Kai ly kamjau kamteang sa reng nai khumi hawi y nai leaungrei ai niu vai bo. Ni ly Lebanon daichi i saitleang keung kamta, khumi bawibawichi salo y khiu nai ne.

SAM 73:3

kai ly kapathui khe i, atlym vi nai ne; kai i kheuchi py athei vi na bo.

SAM 92:7

Huni ly khumi aso y naichi acha keungchi kamta sai-eung iy, kahawi so y nai khumichi nang chawn u teu i py, huni khumichi ly myn kang naira avum u ai.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

JEREMIA 5:27

Mawi sara ly my i tavo theaungra y tavochi kawi hai nai kamta, huni khumichi ly mychi i yhmchira y, atiura i nga nai vawnsaichi hawi kawi hai bo. Hunai deaungkho y nichi ly sa thai naira awm iy nang chawn u nai ne.

JEREMIA 5:28

Bym pa-rei cha ai nai nga iy veung py hawi u bo. Nichi ly hawi y naichi ai tem-ma by y pa-rei sa u nai ne. Nuro nukaichochi ai nichi i nga ai avo nai phychi py pei pi y. Pahyp y naimy ana naira avum naichi ai py, adyh adawi hai y.

HABAKKUK 1:11

Naibaly mymychi i sa thai naira ai tameuh palawn iy, chiu u nai huni khumichi ly ali kamta, ho parai naimy athawn u pawn bo,” napi.