JOBA 12:14 - Khumi Common Language Bible

¹⁴ Tameuh my taphra nai ai ly ami my sa palum teang thai ai mo? Tameuh my kawm nai khumi ai ly ami my su pajau ai mo?

JOBA 12:14 ပူးပေါင်းရင်းမြစ်များ

ATITI AWM ANGCHEI NAI 7:16

Tameuh my leu pei nai kamta, Nova kun nai bo y Areng my katheu kho pi vui bo.

JOBA 11:10

Tameuh ly nang ai ang patiu iy angchih lawh baly, mymy ai ami paka pajau ai mo?

JOBA 16:11

Tameuh ly kai ai khumi hawi y naichi i kiu y au bo.

JOBA 19:10

Mymy ly kai ai atlym hai ai nai cheaungkhangra mang ang sa. Kai i athang khai naira ai tangjyn raurei akyn vui i, kai ai jeirawm iy phra hai bo.

JOBA 37:7

Mymy ly khumichi ai kalop anawn hai vui bo; mymy i sa thai naira haiho, khumichi pany ai nai patei pi.

Parip nai leu 7:13

Tameuh i sa nai ai adawn pasym cham; Tameuh my akawi hai nai ly ami my pataw vui pajau ai mo?

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 22:22

Kai ly ni ai Davida i katu chanau lawm nai keung, samrang i kalop sa ai nai sa thai naira au bebe ai. Ni ly kalop sa naira y aly len nai ne i, ni i sa nai kalopchi ai ami py sa palai vui thai ai ny y.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

JEREMIA 51:58

Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai Areng i thui nai leu ne,” napi.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

Ezekiela 26:14

Ngo sarachi i paleupy vau nai lengseaung naini awm jo ai. Mana khala py mary palum teang ai nai nga ai ny y, nanai sa thai naira angym nai kai, Areng i pei nai leu ne.”

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

ROM AVANGCHI TENG Y PAWLA I CHA PA NAI 11:32

Tameuh my pahen bebe thai ai nai khumi bawibawichi ai ly leu tangai y naira y ang paeung bebe veng.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he:

1 SAMUELA 17:46

Vaini my Areng ly nang ai, kai i kiu y ang-au ai; kai ly nang ai kang pajau vui ai i, nang i lu kang tameang vui ai. Naibaly Philistin tavaimichi i veuchi ai tavochi, mawi kasichi i teicha lawm hai ai; huna nai khala y Israela chengchi teng y, Tameuh awm nanai khaileaung pri vereichi my pany u ai.

1 SAMUELA 24:18

Vaini kai ai nang i sa nai pahen naira ly khri pa-rei len parai na; Areng my kai ai nang i kiu y au teu i py, nang ly kai ai padei y.

1 SAMUELA 26:8

Abisai my Davida teng y, “Tameuh ly nang i paleung ka-e ai vaini, nang i kiu y ang-au nai bo. Hunaibaly ni ai mymy i tivi hawi tlenrei khyhmy, khaileaung y prida na pa-rei thun ai nai pei ba; tlen nyhrei kathun y leang mang!,” napi.